1.Tamuera 30:20 - Te B'aib'ara

²⁰ E kaoki naba nanai ni kao ma nanai n tiibu; ao ana rorobuaka a kairiia aia nanai ni man nako mataia ao a taku, “Aikai bon ana b'ai Tawita!”

1.Tamuera 30:20 ပူးပေါင်းရင်းမြစ်များ

2.Rongorongo 14:15

A bon buakani naba taiani maeka n rianna ake a maeka iai taani kaawakin tiibu, kooti, ao kaamero. Ao i mwiina, a oki nako Ierutarem.

2.Rongorongo 20:25

Ma ngaia are, a m'ananga Ieotiab'ata ma ana taanga ni buaka nakon aia kaemb'a ni uoti nako b'aai ni kabane aika a kakaawaki. Ao a kunei ana nanai ni man ae moan te korakora, taiani b'ai, kunnikai, ao b'aai riki tabeua aika a kakaawaki. A kabanea tenibong aia bong ni uoti nako, ao bon iai naba nikiraia.

Itaia 53:12

E na anganna te UEA kaniwangana te karineaki ao te m'aaka ngkai e kareana maiuna. A taku tabem'aang b'a te tia bure ngaia, ma e karawaawataaki i bukin ara bure nako ao e buubutia te Atua kab'araan ara bure.

I-Rom 8:37

Ma moan te tokanikai ngaira i aoni baikai ni kabane iroun Teuare tangirira.

1.Tamuera 30:21

Ao i mwiina, e oki rikaaki Tawita nakoia ana rorobuaka ake 200 ake a tia ni mamaara n iria, ao n tiku i tinanikun karaangan Berota ae e uarereke. A roko b'a a na butim'aea Tawita ma rorobuaka ake a iria, ao e kawariia Tawita ao e kamauriia.

1.Tamuera 30:26

Ao ngke e oki Tawita nako Tikeraka, e kanakoa m'akoron b'ai ake a tia n anaaki nakoia raoraona, taan kairiiri i aon Iuta, ma te rongorongo ae e kaangai, “Aio te b'aintangira nakoimi man b'aai ake a tia n anaaki mairouia Ana kairiribai nako te UEA.”