1.Tamuera 30:12 - Te B'aib'ara

¹² ao tabeua taiani kam'au ni biiku ao uoua te amwi n kureebe ae e m'au. Ao ngke e a tia n am'arake, e a manga oki korakorana; e aki roko n te am'arake ke ni mooi i nanon tenua te bong ae e b'anin.

1.Tamuera 30:12 ပူးပေါင်းရင်းမြစ်များ

Etita 4:16

Naako botiia I-Iutaia ni kabane i Tutian, ao karaoa te aki mamatam, ao te tataro i buku. Kam na aki kana te b'ai teuana ma ni mooi teutana i nanon tenibong. Ao ti na karaoa naba ae ai aron anne ma au toro aine. Ao i mwiin anne, ao N na nako ni kawara te uea, e ngae ngkana e tabuaki n te tua. Ngkana arona b'a N na mate ni karaoan aei, ao N na boni mate.

B'aeb'aeti 1:11

A tang ni korakai aomatana ngke a kakaei kanaia; A rairi aia b'ai nakoia tabem'aang n te am'arake b'a aonga n aki mate. E a tang Ierutarem nakon te UEA, “Taiaoka te UEA, taraa rawaawatau.”

Iona 1:17

Ao e kab'autaki Iona n te ika ae e buubura n ana babaaire te UEA, e mena i biroton te ika tenua te ngaina ao tenua te tairiki.

Mataio 27:63

ao a taku, “Teuae karineaki, ti uringa ana taeka te tia bureburea-te-aba arei, ngke E kangai n ana tai ni maiu: I mwin tenibong, ao N na manga uti.

Tani Motiki-taeka 15:19

Ao e rangi ni kua Tamton, ao E katinakoa te ran te Atua man te b'a. Ao e mooi teutana mai iai Tamton, ao e a manga oki korakorana. Ao e arana te tabo arei Tamton b'a Ana koburake n ran te tia weewete, i bukina b'a e a tia ni wewetea te Atua i bukin buokana. Ao bon arei te M'angai n te koburake n ran ni karokoa taai aikai.

1.Tamuera 14:27

Ao Ionatan e aki ataa ana kamaraia Tauro nakoia ana tautia. Ma ngaia are, e kotea ana karewe te manibeeru n tabon okona ao e anaia ni baina ni kanna. Ao e a manga rin korakorana ma angin nanona nakon te buaka.

1.Tamuera 30:11

Ao e reke temanna kaain Aikubita n te aba arei ao a kairiia nakon Tawita. A anganna teutana te am'arake ma te ran,

1.Tamuera 30:13

Ao e titirakinna Tawita ni kaangai, “Antai am toka, ao kaan ia ngkoe?” Ao e kaeka ni kaangai, “Bon kaain Aikubita ngai, te toro temanna mai Amareka. E kiitanai au toka i nanon tenua te bong aika a nako b'a I aoraki.