1.Tamuera 3:13 - Te B'aib'ara

¹³ E bon ataia b'a a rawa natina m'aane n karineai, ao e bon katikuia n aroia arei, e ngae ngke I a tia n taekinna b'a N na katuaaia ma ana utu n taai nako.

1.Tamuera 3:13 ပူးပေါင်းရင်းမြစ်များ

1.Uea 1:6

Ma ngaia are, e a karekei ana kaanibuaka ma ana aoti, ao e kabooia nimangaun te m'aane b'a taani kaawakinna. Ao e aki kan takuia Tawita n ana waaki arei. Ma ngaia are, e aki roko n te taetae nakon Atoniia n te b'ai are e karaoia.

1.Uea 2:44

I taku b'a ko bon atai b'aai aika a buakaka ake ko a tia ni karaoi nakon tamau are Tawita. Ao ngkai E nang katuaaeko te UEA i bukin te b'ai are ko a tia ni karaoia.

2.Rongorongo 20:12

Ko aki katuaaia? Ti bon aki konaa ni kaaitaraa te taanga ni buaka aei ngkana e buakaniira. Ti aki ataia naba b'a tera ae ti nang karaoia—ti buubutiiko am buobuoki.

Taeka n Rabakau 19:18

Kaetiia natim b'a kam kaawa n rangi n ooimwi; ngkana kam aki katuuaia, kam bon uruana aroia.

Taeka n Rabakau 29:15

Kaetiia am ataei, ao ane a na wanawana; ataei aika a aki konaa ni kairaki a bon kamamaaia tinaia.

Te Minita 7:22

Ko bon tuai kaakamaraiaiia koraki aika a bati?

Etekiera 18:30

N na motikitaekami n tatabemaningkami nako ni kaineti ma te b'ai are kam a tia ni karaoia. Ma ngaia ae kam riai ni katoka karaoan ae e bure, b'a kam kaawa ni bon katuaaeaki.

Etekiera 7:3

b'a katuaaeana i bukin ami bure aika a rangi ni ribaaki. I a rangi ni un Ngai ae te UEA

Ioera 3:12

Kam na iri ngkai nakon te M'arua are Motikitaeka, ike E na motikitaekaia iai te UEA botannaomata nako aika i rarikira.

Mataio 10:37

Ane tangira riki tamana ma tinana nako Iu, ao e aki tau b'a e na riki b'a au reirei; ao ane tangira riki natina te mm'aane ke natina te aine nako Iu, ao e aki tau b'a e na riki b'a au reirei.

Te Tua-Kaua 21:18

Ngkana e reke natiia kaaro ae te nati te m'aane ae taningabono ma ni kamangao nakoia ana karo, ma n raarawa n ongotaeka irouia e ngae naba ngkana e a tia ni katuaaeaki.

1.Ioane 3:20

b'a ngkana a kabuakakaira nanora, ao E matairiki riki te Atua nakon nanora, ao E atai b'aai ni kabane.

1.Tamuera 2:12

Bon taian ibonga natin Eri ake m'aane, ma a aki ongotaeka, ao aki kakaonimaki nakon te UEA.

1.Tamuera 2:17

A aki tabe natin Eri ake m'aane ma aia karea aomata ake a anga. Ao bon te bure ae rangi ni buakaka te baei, ao e bon kauna te UEA.