1.Tamuera 3:11 - Te B'aib'ara

¹¹ Ao E taku te UEA: Tamuera, N nang karaoa te m'akuri teuana i aon i Iteraera ae a na bane n tiaoki iai aomata ngkana a ongo taekana!

1.Tamuera 3:11 ပူးပေါင်းရင်းမြစ်များ

2.Uea 21:12

Ma ngaia ae ngkai, N nang kamaunaa Ierutarem ma Iuta Ngaia ae te UEA ae Atuan Iteraera. A na ongo rongorongona aomata ao a na aki kakoaua.

Iobi 41:9

Ngkana ia ane e noora te rib'aietan, ao e na koenako ninikoriana, ao e na b'aka i aon te tano.

Itaia 28:19

E na uotingkami nako te kaarangaina, te tawanou, ao te tairiki b'a te ieka ae e makuakua. E na anganingkami te reirei aei b'aai aika a riki aika a kakamaaku:

Itaia 29:14

Ma ngaia are, N na manga karaoi b'aai ake a katiaokiia ma ni kamimiia, ao N na kamaunai wanawanaia akana a taku b'a a rabakau ma n ataib'ai.”

Ieremia 19:3

Bon te UEA Ngai ae Moan te M'aaka, ae Atuan Iteraera, ao kam riai ni kakauongo raoi ngkami aika uean Iuta ma kaain Ierutarem. N na karokoa te kangaanga ae moan te korakora i aon te m'arua aei n te aro are a na tiaoki akana a ongo taekana.

Ab'akuka 1:5

Ao E taku te UEA nakoia Aomata, “Tarataraia botannaomata akana i rarikimi, ao kam na mimi ni baika kam noori. N nang karaoa te b'ai teuana ae kam na bon aki kakoaua ngkana kam ongo taekana.

Ruka 21:26

Ane a na b'aka ni kiro aomata i bukin te maaku ma kaantaningaan te b'ai ae na roko i aonnaba; b'a ane a na kam'aeaki b'aini karawa mani neia are a taneiai iai.

M'akuri 13:41

“Noria, ngkami aika taani kakaniko, kam na mimi ao kam na mate! B'a te m'akuri ae I karaoia i nanon ami tai ni maiu, bon te b'ai ae kam na aki kakoaua, e ngae ngkana e kab'arab'araaki taekana nakoimi iroun temanna!”

1.Tamuera 3:10

Ao E tei te UEA i rarikin Tamuera ao E manga weteia naba n aron are karaoia mai m'aaina, “Tamuera! Tamuera!” Ao e kaeka Tamuera, “I ongo b'anaam. Tera te b'ai ae Ko tangiria b'a n na karaoia?”

1.Tamuera 4:10

Ao a buaka kaain Biritia. A tiringiia 30,000 m'aitiia tautian Iteraera, ao nikiraia a birinako nakon mwengaia.