1.Tamuera 29:8 - Te B'aib'ara

⁸ Ao e kaeka Tawita ni kaangai, “Tera ae I a tia ni karaoia teuae ko karineaki? Ngkana ngaia n aron ae Ko taku b'a ko tuai man noora te kairua irou man te tai are I moana m'akuriu iroum, ao tera bukina b'a N na aki iriko, au toka ao au uea, ma ni buakaniia am kairiribai?”

1.Tamuera 29:8 ပူးပေါင်းရင်းမြစ်များ

Mataio 6:13

Ao tai kairira nakon te kaririaki, ma Ko na kamaiura man te buakaka; b'a am b'ai te uea, te m'aaka, ao te neboaki n aki toki. Amen.

1.Tamuera 12:3

N nang titirakiningkami moa, I a tia n anaa ana kaom'aane te aomata temanna ke ana aati, ke ni imanonoingkami b'a kam na anganai te b'ai teuana? I a tia ni kaikoaka te aomata temanna ke ni karaoa te kamaraato i bukin karaoan te babaire ae aki eti? Kam na kaekaai ngkai b'a e na ongo te UEA ma te uea are E rineia. B'a ngkana arona b'a I a tia ni karaoa teuana mai buakon baikai, ao n na kabooa mwiina.

1.Tamuera 17:29

Ao e taku Tawita, “B'a tera ae I karaoia. E bure naba ngkana I ti titiraki?”

1.Tamuera 20:8

I butiiko b'a ko na karaoa aei ibuku, ao kamatoa ara berita are ko karaoia ngkoa nako iu. Ma ngkana arona b'a I bure iai, ao ko na tiringai boni ngkoe! E aera ngkai ko na kairai nakon tamam b'a e na tiringai?”

1.Tamuera 26:18

Ao e a manga reitia riki ma n taku, “E aera teuae ko karineaki ngkai ko a bon ririmwiiai naba, ngai ae am toro? Iai te b'ai ae I a tia ni karaoia? Tera te kaairua ae I a tia ni karaoia?

1.Tamuera 27:10

are e na manga titirakiniia ni kaangai, “Kam kurib'ai ia n te tai aei?” Ao e na tuangnga Tawita b'a a nako m'akoron Iuta maiaki ke nakon aban te kaainga are Ierameera ke te aba are e maeka iai kanoan Kenaite.

1.Tamuera 28:2

Ao e kaeka Tawita ni kaangai, “Eng, ti bon koaua. Bon am toro ngai ao ko na bon nooria ni matam te b'ai ae N na karaoia.” E taku Rakiti, “E tamaroa! N na karikiko b'a te tia tararuai ae e matoa.”

1.Tamuera 29:7

Ma ngaia ae, ko na oki nakon mwengam ma te rau, ao tai karaoa te b'ai teuana ae N na aki kukurei iai.”