1.Tamuera 29:6 - Te B'aib'ara

⁶ Ao e wetea Tawita Akiti ao e taku nakoina, “I tuea n aran te Atua ae E maiu ae Atuaia Iteraera b'a ko a tia ni kakaonimaki nako iu; ao N na bon rangi ni kukurei ngkana ko irai n te buaka aei. I tuai man noora te kaairua teuana mairoum man te tai are ko roko iai irou. Ma a aki kariaia uea ake tekorakina.

1.Tamuera 29:6 ပူးပေါင်းရင်းမြစ်များ

Karikani B'aai 16:6

Ao e taku Aberam, “E rangi n tamaroa, bon am toro, ao e mena i aan am babaire; karaoa ane ko bon taku nako ina.” Ao e karaoa ae aki tau Nei Tarai nakon Nei Aka ni karokoa e a biri nako Nei Aka.

2.Tamuera 3:25

Ko ataa Abenera-e roko b'a e na kam'aneko. E tangiria ni kan ataa korakoraia am taanga ni buaka ma n atai baika ko karaoi ni kabane.”

2.Uea 19:27

“I atai rongorongom ni kabane, I ataia naba ma aron korakoran unim irou.

Taian Areru 121:8

E na kakawakiniko te Atua n tainako n te tabo are ko na nako iai man te bong aei ao n aki toki.

Itaia 37:28

I a kaman ataiko e ngae ngkana ko a rangi ni un irou.

Itaia 65:16

Kaain te aba ane e bubuti kakab'aiakina, e na tuangaki b'a e na kakab'aiaki mai roun te Atua ae e kakaonimaki. Ane e taetae ni bau e na taetae ni bau n aran te Atua ae e kakaonimaki.

Ieremia 12:16

A reireiniia au aomata ngkoa aron taromaurian B'aara. Ma ngkana a kakoaua b'a bon te Atua ni koaua Ngai, ao ngkana a kariaia au aomata b'a a na reireinaki irouia aron taromauriau, ao a na manga riki botannaomata aikai b'a Au aomata.

Warekaia Iteraera 27:17

A kainanoa te aomata temanna Iteraera are e na kairiia nakon te buaka, b'a a kaawa n riki b'a tiibu aika m'aninga nako b'a akea te tia kaawakiniia.”

Mataio 5:16

Ao ai aromi naba, kam na kaoti ami oota i mataia aomata, b'a a na noori ami m'akuri aika raraoi, ao a na neboa Tamami are i karawa iai.

Te Tua-Kaua 10:20

Karinea te UEA ae Atuami, m'akuri i bukina, ao kam na berita n arana n ti Ngaia.

Iotua 22:30

Ao ngke a ongo Beniata ma raona ake atuun utu man barongan maeao ake tengaun aia taeka barongan mainiku ao a rau nanoia iai.

1.Betero 2:12

A na raoiroi aroaromi i buakoia aomata aika tiaki I-Iutaia; b'a ngkana a bukiningkami b'a kam karaoa ae buakaka, ao a noori ami m'akuri b'a a raraoi, ao a na neboa te Atua iai n te bong are E na roko iai.

1.Betero 3:16

ma kam na kaeka ma te nimamannei ao te maku; kawakini mataniwin nanomi b'a a na itiaki; ao n te aro aei a na mamaa iai te koraki ake a taetae ni kabuakakai aroaromi aika raraoi ngkai kam reitaki ma Kristo.

1.Tamuera 20:3

Ao e kaeka Tawita ni kaangai, “E ataa tangirakiu iroum tamam, ao e aki tangiria ni kaongoko te b'ai ae e iangoia, b'a ko kaawa n rangi n nanokawaki iai. I tuea nakoim n aran te UEA ae e maiu, b'a I kaan roaroa ma te mate!”

1.Tamuera 28:10

Ao i mwiin arei, e karaoa ana taeka ni bau Tauro ao e taku, “N aran te UEA ae E maiu, I berita b'a N na aki manga katuaaeko ngkana ko karaoa anne.”

1.Tamuera 29:3

E nooriia te mataniwi n te taanga ni buaka ao e taku, Tera ae a karaoia kaain Ebera aikai ikai?” Ao e taku Akiti, Bon aei Tawita are ana mataniwi te Uea are Tauro are Iteraera. E a kaman mena i rarikiu n te tai ae e a rangi ni maan. Bon akea te b'ai ae I a tia n nooria b'a e buakaka iai arona ni moa man te tai are e roko iai irou.”

1.Tamuera 29:7

Ma ngaia ae, ko na oki nakon mwengam ma te rau, ao tai karaoa te b'ai teuana ae N na aki kukurei iai.”

1.Tamuera 5:8

Ao kaain Atitota a weteia taan tautaeka ni kabane mai Biritia nako Atitota, ao a titirakiniia ni kaangai, “Tera ae ti na karaoia nakon te Atiniberita are Ana b'ai Atuaia Iteraera?” Ao a taku tautaeka akekei, “Kanakoa nako Kata.” Ao i mwiin uotakina nako ikekei,