1.Tamuera 28:8 - Te B'aib'ara

⁸ Ma ngaia are, e bita taraana Tauro; e karin kunnikai tabeua, ao e a nako ngke e a bon roo ma uoman rorobuaka ni kawara te aine arei. Ao e taku nakon te aine arei, “Ko na taetae ma taian tamnei ao tuangai b'a tera ae e nang riki ngkai. Wetea taamnein te rorobuaka ae N na anganiko arana.”

1.Tamuera 28:8 ပူးပေါင်းရင်းမြစ်များ

1.Uea 22:30

Ao i m'ain m'anangaia nakon te buaka ao e taku Aaba, “Iotiab'ata, N na bitii kunnikaiu b'a I aonga n aki kinaaki ao ngkoe ko boni katokai niiniiram ni uea.” Ao i mwiina e m'ananga Aaba nakon te buaka ao e a aki kinaki.

1.Uea 22:34

Ao i nanon tain te bo ni buaka ao iai temanna te tautia ae e katebe n aki akaaka ike e a teke naba iai te tabo teuana ae e uki i aon kunnikain Aaba are te kunnikai ni buaka ao e takaarua nakon teuare te tia kabuta ana kaanibuaka, “I a teke! Uotai kaotinakoai mai ikai.”

1.Rongorongo 10:13

E mate Tauro i bukina ngke e aki kakaonimaki ao n ongotaeka iroun te UEA. E bon naanako ni kawara te aine are m'am'akuri ma tamneia aomata aika a mate ni kakaea buokana i rouna,

2.Rongorongo 18:29

I m'aain are a waaki nakon te buaka, ao e a taku Aaba, “Ieotiab'ata, N na biti kunnikaiu b'a I aonga n aki kinaaki, ma ngkoe ko na bon b'aina niiniiram n uea.” Ao e karaoa ae e na aki kinaaki iai Aaba, ao e nako ni buaka.

2.Rongorongo 35:22

Ma e aki tabe Iotia ma ana kauring Neko, e ngae ngke e bon nako mairoun te Atua! Ao e boni m'ananga naba ni buakana Neko n te M'arua are Mekito.

Itaia 8:19

Ane a na kaangai tabeman nakoimi, “Naako kawariia taani kaiwa ake a wiwiirikiriki ke n titirakini tamneia maate. Ma e ngae n anne, ao e riai te botannaomata ni konaa n titirakina oin antina nako

Ieremia 23:24

i karawa ao i aon te aonnaba. Bon akea taabo aika a raba aika kam na konaa ni karabaingkami mairou.

Etekiera 12:6

Katokaa am baeki i aon angam, ao karabaa matam, ao m'ananga nakon ae e roo b'a ko aonga n aki noora te aba are ko a kiitanna. A na riki baikai ni kabane b'a kauringakiia Iteraera.

Ioane 3:19

Ao aio te b'ai ae e motikaki taekan te aba iai: b'a e a roko te oota i aon te aba, ao aomata a tangira riki te roo nakon te oota, i bukina ngkai a bubuaka aia m'akuri.