1.Tamuera 28:7 - Te B'aib'ara

⁷ E kawaekoaia ana aobitia Tauro, ao e taku, “Kam na kakaea nako iu te aine are te tia tabunea, b'a N na nako n ongora i rouna.” Ao a kaeka ni kaangai, “Iai temanna i Entora.”

1.Tamuera 28:7 ပူးပေါင်းရင်းမြစ်များ

2.Uea 6:33

I m'aain banen ana taeka Eritai, ao e roko te tia uarongorongo ao e taku, “Bon te UEA ae e karokoi b'aai aika a kamaamate aika a riki aika i aora aikai, ao bukin tera ngkai ti na kakantaningaia b'a ngaia ae E na buokiira?”

1.Rongorongo 10:13

E mate Tauro i bukina ngke e aki kakaonimaki ao n ongotaeka iroun te UEA. E bon naanako ni kawara te aine are m'am'akuri ma tamneia aomata aika a mate ni kakaea buokana i rouna,

Taian Areru 83:10

Ko katae aia kai i Entora, Ao a wene ni mka rab'ataia i aontano.

Itaia 19:3

“E na anaaki ninikorian Aikubita ngkana I kamangaoi aia babaaire nako. Ane a na kataia n titirakiniia aia bouannanti b'a tera ae a riai ni karaoia, ao mairouia tamneia ake a tia ni mate, ao mairouia naba taani kaiwa.

Nakoaia Ibonga 19:31

Tai karikingkami ni kam'araa nako Iu ni kawarakiia aomata aika taku b'a a kona n taetae ma te mate.

Ab'akuka 2:3

Korobokiia b'a a tuai n roko tain taeka aikai, ma ana bon waekoa ni koro nanoia, ao baika I tuangko ana bane ni koro bukiia. E taraa ni kiriaria, ma tataninga b'a ana bon roko baikai, ao ana bon aki taonaki taiia.

M'akuri 16:16

Ngke ti nako n te ne n tataro, ao ti kaitibo ma te ateiaine ae kaboaki b'a te toro. E taniaki iroun tamneini Buton, ao e karekei ni kabatiai aia b'ai ana toka man arona n taekini baika na riki nakoni boong aika na roko.

Iotua 17:11

Ao e b'aini naba kaawa aika buubura te baronga are Manate ake i nanon m'akoron te baronga are Itakara ao te baronga are Atera, aika kaawa aika: Beta-tean, ao Ibeream ma kaawa naba aika a uarereke ake i rarikiia, ao ni ikotaki naba ma te kaawa are Tora (te kaawa are i rarikin taari), Entora, Taanaka, Mekito, ao kaawa ake i rarikiia nako.

1.Tamuera 28:3

E a tia ni mate ngkai Tamuera, ao a bane n tang Iteraera ma n tanginiwenei i bukina ao a taunna n oin ana kaawa are e buubura are Ram'a. E a tia ni kairoroia taan kaiwa Tauro ao taan tabunea b'a a na kiitana Iteraera.