1.Tamuera 28:6 - Te B'aib'ara

⁶ ma ngaia are, e titirakina te UEA b'a tera ae e na karaoia. Ma E aki roko n te kaekaa te UEA, e aki naba anganna te mii ke ni kamanenaan te Urim ma te Tummim ke mairouia burabeti.

1.Tamuera 28:6 ပူးပေါင်းရင်းမြစ်များ

2.Tamuera 22:42

A tangira buokaia ma bon akea temanna ae kamaiuia; a weeweteiko, ma bon akea te kaeka.

Taian Areru 74:9

Akea kanikina aika kamimii aika ti noori; akea nikiraia burabeti n tiku; Ao akea temanna ae ataa maanin tain te aro aio.

Te Otinako 28:20

ao n te kaa rinan bon te beruro, te oniki, ao te iatebi. Katokai ao kanim atiibu akanne n tein te b'ai ni katamaroa ae te koora

Te Otinako 28:30

E na riai naba ni b'ain b'ai ake uoua ake a uarereke i aon ana ub'a ake e kamanenai i bukin karekean te kaeka mairoun te Atua.

Taeka n Rabakau 27:1

Ko na aki kamoamoa i bukin te ingabong! b'a ko aki ataa kanoan te bong teuana ma teuana.

Ieremia 23:28

Ti te bo kaokoron miia ma au koaua ae kanga te uteute ao te uita. Ma ngkana a taetae burabeti i buku a na ti taekina te b'ai are I tuangiia.

B'aeb'aeti 2:9

A na m'akoroua ma n inako atiibun mataroana n te tano, E na otouai kaai ake b'ain kainan te mataroa. A uotaki nako ngkai b'a taenikai uea ma aomata ake a kakannato. Akea te reirei n te tua, ao akea naba te kaotioti mai iroun te UEA nakoia Ana burabeti.

Ioera 2:28

Rimwi riki, N na anga Tamneiu nakoia aomata nako. A na riki ni burabeti natimi m'aane ma natimi aine. A na mii taiani mii ami unim'aane, a na noori taiani kaotioti ami rorobuaka n ataei.

Nakoaia Ibonga 8:8

Ao e katokaa te ub'a i aona ao e karin taian urim ma tummim i nanona.

Mika 3:7

A na kamamaaeaki burabeti akana a taetae ni burabeti i bukin taai aika a na roko b'a a na aki koro bukin aia taetae ni burabeti. A na kamamaaeaki b'a E na aki kaekaia te Atua.

Warekaia Iteraera 12:6

Ao ngke a tia n tuangiia b'a a na kakauongo raoi, ao E taku: “Bon te UEA Ngai, ae taetae nakoia burabeti n taiani kaotioti ma taiani mii.

Warekaia Iteraera 27:21

Ma e na riai Iotua ni mwiokoa Ereata i bukin kakaaean te b'ai ae I tangiria b'a e na karaoia ngkana e na kairiia Iteraera nakon te buaka.”

Mataio 1:20

Ma ngke e iangoa aei, ao noria, e kaoti ana anera te Atua nako ina n te mii, ao e kangai, “Ioteb'a, ae natin Tawita, tai maaku n anaa Nei Maria b'a buum: b'a E riki te baere i nanoni birotona mairoun te Tamnei are Raoiroi.

Ioane 9:31

Ti ataia b'a E aki ongo te Atua irouia aomata aika taani bure; ma ngkana e taromauria te Atua te aomata, ma n ongeaba nakoina, ao E ongo te Atua i rouna.

Te Tua-Kaua 33:8

E kataingkami te UEA n taian koburakenran ake Mata ao Merib'a, te baronga are Rewi. Kam kakaonimaki, ao bon anne bukina ae e anganaki iai kanoan Rewi te m'akuri n ibonga.

Iakobo 4:3

Kam bubuti, ao kam aki anganaki, b'a kioina ngkai kam bubuti n te aro ae aki riai, b'a kam na bakataei ami b'ai i bukin nanomi aika naano n aonnaba.

1.Tamuera 14:37

Ao Tauro, e titirakina te UEA ni kaangai, “Ti na buakaniia kaain Biritia? Ko na buokiira ni katokanikaira?” Ma E a aki kaekaia te Atua n te tai aei.

1.Tamuera 28:15

Ao e taku Tamuera nakon Tauro, “E aera ngkai ko aki karauai? E aera ngkai ko a manga kaokai?” Ao e kaeka Tauro ni kaangai, “I a reke n te kangaanga ae e korakora! I a boo ni buaka ngkai ma kaain Biritia, ao E a tia ni kiitanai te Atua. E aki manga kaekai au titiraki, ai uana naba rinanoia burabeti ke n taiani mii. Ma ngaia ae, I a weteiko b'a ko na tuangai b'a tera ae N na karaoia.”

1.Tamuera 28:5

Ngke e nooriia ana taanga ni buaka Biritia Tauro ao e maaku,