1.Tamuera 28:4 - Te B'aib'ara

⁴ A ikotaki aia taanga ni buaka kaain Biritia ao a kaemb'a i rarikin te kaawa are Tunem; E ikotiia Iteraera Tauro ao a kaemb'a n te Maunga are Kireboa.

1.Tamuera 28:4 ပူးပေါင်းရင်းမြစ်များ

2.Tamuera 1:21

Ko na aki kab'aka te aoi ke te karau i aon tabukin nako Kireboa. Ko na aki karikirakei taian uita n te tawaana i bukin karikirakean taian uita i bukin taian karea nakon te Atua. A takanana aia otanga taani buaka n taiani bokaboka, ao e a tiku oin ana otanga Tauro n aki karaneaneaaki.

2.Tamuera 1:6

Ao e taku te rorobuaka arei: I mena i aon te tabuki are Kireboa, ao I noora te uea are Tauro b'a e b'aka nako aon ana kainiwai. E kakioaki irouia ana kairiribai aika a aki rangi n raroa mai akuuna i aon aia kaanibuaka ao taan toka i aoia aoti.

2.Tamuera 21:12

A tia kaain te kaawa are Iabeti i Kireata ni karabaa ni uota nako rab'ataia, ma e ongo Tawita te b'ai are e tia ni karaoia buun Tauro, ao e nako ni kawariia taan kairiiri i Iabeti b'a a na anaa riin Tauro ma natina are Ionatan.

1.Uea 1:3

Ao a kakaaenako ni kabutaa aon Iteraera ni karokoa e reke ataeinainen Tunem ae moan te tikiraoi.

2.Uea 4:8

N te bong teuana ngke e mena Eritai n te kaawa ae Tunem, ao e kaitibo ma te aine ae e kaub'ai are e kaooa b'a e na am'arake ma ngaia n ana auti. Ao i mwiin anne, ao n taai are e a manga roko iai i Tunem ao e am'am'arake ma neierei ao buuna.

Iotua 19:18

Aikai kaawa aika tebwi ma onoua ake a reke naba i nanon abaia: Ietireera, Teturota, Tunem,

1.Tamuera 28:5

Ngke e nooriia ana taanga ni buaka Biritia Tauro ao e maaku,

1.Tamuera 31:1

A buakana Iteraera kaain Biritia n te Maunga are Kireboa. A m'aiti Iteraera ake a mate ikekei, ao nikiraia, n reitaki ma te Uea are Tauro ao natina rorobuaka, a bane ni biri nako.

1.Tamuera 31:8

N te bong are i mwiin te buaka ao a m'ananga kaain Biritia b'a a na anai aia b'ai maate, ao a noora rab'atan Tauro ma natina ake teniman ni wene i aon te Maunga are Kireboa.