1.Tamuera 28:23 - Te B'aib'ara

²³ E rawa Tauro ao e taku b'a e na akea te b'ai ae e na kanna. Ma a kaungaa ana aobitia b'a e na am'arake. Ni bon tokina e b'ara nanona, e teirake man te tano, ao e tekateka i aon te kainiwene.

1.Tamuera 28:23 ပူးပေါင်းရင်းမြစ်များ

1.Uea 21:4

Ao e a okira mwengana Aaba ma te marakinnano ao te rawawatannano i bukin ana taeka Naabota ake e taekin nakoina. E wene i aon ana kainiwene ni kaaitaraa te o ma n rawa n am'arake.

2.Uea 4:8

N te bong teuana ngke e mena Eritai n te kaawa ae Tunem, ao e kaitibo ma te aine ae e kaub'ai are e kaooa b'a e na am'arake ma ngaia n ana auti. Ao i mwiin anne, ao n taai are e a manga roko iai i Tunem ao e am'am'arake ma neierei ao buuna.

2.Uea 5:13

Ao e kawaria ana tia m'akuri ao e taku nako ina, “Teuae ko karineaki! Ngkana e tuangko te burabeti b'a ko na karaoa te b'ai ae e kangaanga arona, ao ko na boni karaoia naba. Ao bukin tera ngkai ko na aki karaoa te b'ai ae e tuangko? Naako tebotebo ao e na toki aorakim.”

Etita 1:6

E katamaroaaki ana bareti te uea n taiani keeten aika a buruu ma ni mainaina, ao a kabaeaki ni karain rinen aika a taim'anuokai aika a raraoi, aika a bae nakon taian m'am'a aika tirewa aika a mena i aon taiani maabora aika a tei ni rinan. Ao a kaotinakoaki taiani kainiwene aika koora ma tirewa nako nanoni m'aneaban te bareti, are e katamaroaaki nanona n taian maabora aika a kiriin ao a mainaina, ma atiibu aika a tamaroa, ma taiani b'aeao aika a raneanea. Ao a rabunaki kaintekateka aika a ab'ab'aki ni kunnikai aika a maraurau aika a bati mataia, ao a mena taian rooti i mataniwiia.

Taeka n Rabakau 25:20

Te anene nakon temanna ae e rangi ni rawaawata kaanga ai aron kab'aroan te beneka n te ikoaki ae e tangaina matana.

Etekiera 23:41

A tekateka i aon kaintekateka aika maraurau, ao te taibora i mataia i bukin b'aan te oriwa ao te b'ai ni kaboiarara are Au b'ai.

Ruka 14:23

Ao e taku te mataniwi nakon te toro, “Ko na nako ni kawai aika raababa ma kawain te marenaua, ao imanonoia aomata b'a a na nako mai, b'a e aonga ni kaonaki au auti.

Ruka 24:29

ma a imanonoia uakekei ao a kangai, “Ko na tiku i roura, b'a e a kani bong ao e a kan toki te ngaina.” Ao Ngaia E rin n te auti n tiku ma ngaiia.

M'akuri 16:15

E b'abetitoaki ma kaain ana auti, ao e butiira, ni kaangai, “Ngkai kam a tia n taku b'a te tia onimakina te UEA ngai ni koaua, ao kam na rin n tiku n au auti.” Ao e kairoroira.

2.I-Korinto 5:14

B'a e tautaekaniira ana tangira Kristo; ao ngkai ti kakoaua b'a E mate i bukiia aomata ni kabaneia, ao nanona b'a a bane aomata ni buokanib'ai ni matena;

1.Tamuera 28:22

I butiiko ngkai b'a ko na karaoa ae N na butiiko. N na katauraoa teutana te am'arake i bukim. Ko na am'arake b'a ko aonga ni konaa ni m'ananga.”