1.Tamuera 28:15 - Te B'aib'ara

¹⁵ Ao e taku Tamuera nakon Tauro, “E aera ngkai ko aki karauai? E aera ngkai ko a manga kaokai?” Ao e kaeka Tauro ni kaangai, “I a reke n te kangaanga ae e korakora! I a boo ni buaka ngkai ma kaain Biritia, ao E a tia ni kiitanai te Atua. E aki manga kaekai au titiraki, ai uana naba rinanoia burabeti ke n taiani mii. Ma ngaia ae, I a weteiko b'a ko na tuangai b'a tera ae N na karaoia.”

1.Tamuera 28:15 ပူးပေါင်းရင်းမြစ်များ

Taian Areru 51:11

Tai kanakoai mai matam, Ao tai kaira nako Tamneim ae Raoiroi mairou.

Taeka n Rabakau 14:14

Kam taia te b'ai ae kam unikia, e ngae ngkana e raoiroi ke e buakaka.

Otea 9:12

E ngae ngkana iai natimi, N na anai ni kabane ma ni katikuingkami ma te tang. N na tannako, ao ko na inako rikaaki i nanon te kanganga ae e korakora.

Mataio 25:41

Ao ane E na kangai nakoia ake i angamaingina, “Naako mai Rou! Ngkami akana reke kaimi iroun te Atua. Nakon te ai are aki mamate are katauraoaki i bukin te riaboro ma ana anera!

Tani Motiki-taeka 16:20

ao e takaarua, Tamton a buakaniko kaain Biritia. Ao e uti Tamton ao e taku n ana iango, N na manga bon b'aranako ma ni birinako n aron are I bon kakaraoia. E aki ataia b'a e a toki buokana iroun te UEA.

1.Tamuera 18:12

Ao e maaka Tawita Tauro i bukina b'a E buoka Tawita te UEA ao E a aki manga buokia.

1.Tamuera 23:2

Ma ngaia are, e titirakina te UEA ni kaangai, “E riai b'a N na nako ke N na aki nako ni buakaniia kaain Biritia?” Ao E kaeka te UEA ni kaangai, “Eng, ko na nako ni buaka ni kamaiua Keira.”

1.Tamuera 23:4

Ma ngaia are, e a manga titirakina riki te UEA, ao E taku te UEA nakoina, “Ko na nako ni buakaniia kaain Biritia i Keira, b'a N na anganingkami te tokanikai i aoia kaain Biritia.”

1.Tamuera 28:11

Ao e titiraki te aine arei nakoina, “Ao antai ae N na weteia nakoim?” Ao e kaeka ni kaangai, “Tamuera.”

1.Tamuera 28:16

Ao e taku Tamuera, “Ko kangaa n weteai ngkana E a tia ni kiitaniko te UEA b'a e a manga riki b'a am kairiribai?

1.Tamuera 28:6

ma ngaia are, e titirakina te UEA b'a tera ae e na karaoia. Ma E aki roko n te kaekaa te UEA, e aki naba anganna te mii ke ni kamanenaan te Urim ma te Tummim ke mairouia burabeti.

1.Tamuera 28:8

Ma ngaia are, e bita taraana Tauro; e karin kunnikai tabeua, ao e a nako ngke e a bon roo ma uoman rorobuaka ni kawara te aine arei. Ao e taku nakon te aine arei, “Ko na taetae ma taian tamnei ao tuangai b'a tera ae e nang riki ngkai. Wetea taamnein te rorobuaka ae N na anganiko arana.”

1.Tamuera 30:6

E a bon rangi n reke Tawita n te kangaanga irouia ana rorobuaka b'a a rangi ni b'ara nanoia i bukin buan natiia, ao a iaiangoa karean Tawita n atiibu; ma E anganna korakorana te Atua,