1.Tamuera 28:10 - Te B'aib'ara

¹⁰ Ao i mwiin arei, e karaoa ana taeka ni bau Tauro ao e taku, “N aran te UEA ae E maiu, I berita b'a N na aki manga katuaaeko ngkana ko karaoa anne.”

1.Tamuera 28:10 ပူးပေါင်းရင်းမြစ်များ

Karikani B'aai 3:5

b'a E ataia te Atua b'a ngkana kam kanna, ao kam na riki n ai arona, ao kam na ataa iai te raoiroi ma te buakaka; ao bon anne bukina are E katabua iai kanakina i roumi.”

2.Tamuera 14:11

Ao e kaeka neirei ni kaangai, “I tuea n aran te UEA ae Atuam b'a bon akea temanna ae e na kariaiakaki n tiringa natiu!” Ao e kaeka ni kaangai, “I tuea n aran te UEA ae E maiu b'a bon akea temanna ae e na konaa n riinga irana naba teaina!”

Te Otinako 20:7

“Kam na tai kabongana arau i bukin m'akuri aika buakaka, b'a bon te UEA Ngai ae Atuami ae katuaaia akana a aki kabongana arau n te aro ae eti. Bon te UEA Ngai ae Atuami, ao N na bon katuaaea ane e kamanenaa arau n aki akaaka.

Mataio 26:72

Ao e a manga kakewea naba ana taeka neierei, ao e taetae ni bau ao e kangai, “I bon aki ata Teuarei!”

Mareko 6:23

Ao e taetae n tuea nako ina ni kangai, “Ane ko tuangai, ao N na anganiko, e aoria ngkana iteran ueau!”

1.Tamuera 14:39

I berita i matan te UEA ae maiu b'a ane karaoa te bure, e na tiringaki, e aoria naba ngkana bon natiu are Ionatan.” Ao akea ae kakarongoa.

1.Tamuera 19:6

Ao e kariaia Tauro ao e berita ao e taku, “I berita n aran te UEA ae maiu b'a N na aki tiringa Tawita!”

1.Tamuera 28:11

Ao e titiraki te aine arei nakoina, “Ao antai ae N na weteia nakoim?” Ao e kaeka ni kaangai, “Tamuera.”

1.Tamuera 28:9

Ao e kaeka te aine arei ni kaangai, “Ko bon ataa te b'ai are e karaoia te uea are Tauro, ngke e kakionakoia taan kaiwa ma taan tabunea mai aon Iteraera. E aera ngkanne ngkai ko na kataia ni kam'aneai b'a I aonga n tiringaki?”