1.Tamuera 27:1 - Te B'aib'ara

¹ E taku Tawita i bon i rouna, “E na bae n tiringai Tauro i nanoni boong aikai. E raoiroi riki irou ngkana I biri nako Biritia. Ane e na kakaaeai Tauro i aon Iteraera ao N na bon maiu iai mai rouna.”

1.Tamuera 27:1 ပူးပေါင်းရင်းမြစ်များ

1.Uea 12:26

Ao e tabe ni iango Ieroboam n te bong teuana ao e taku, A teimatoa ni babane nako Iteraera nakon te Tembora are i Ierutarem man anga aia karea nakon te Uea. E na bon riki b'a te kaangaanga teuana ngkana a manga moana aia kakaonimaki nakon Tawita. A na tiringai man riki b'a ana aomata Roboam b'a aia uea.

1.Uea 12:28

Ao e bubutiia taan iango b'a a na buokia n tuanga arona, ao i mwiina, e a karaoi uoua taiani kaoteteei aika koora. E kaoti nakoia aomata ao e taku, “Kakauongo aomata ni kabane. Kam a riai n aki manga nako Ierutarem n taromauri. Ao aikai atuami ake a kamaiungkami mai Aikubita.”

1.Uea 19:3

Ao e rangi ni maaku Eria ngke e a reke i rouna ana rongorongo, ao e a biri nakon te kaawa are Beerateb'a i Iuta, ao E katuka ana toro ikekei,

2.Rongorongo 25:17

E taetae te uea are Amatia ma ana mataniwi, ao i mwiina, e a kanakoa te rongorongo nakon uean Iteraera are Ieoaati: “Otinako b'a n na buaka ma ngkoe.”

Taian Areru 116:11

Ao ni mangaongaon au iango ao i kaangai, “Akea ae I kona n onimakinna!”

Taian Areru 55:7

I a kona ni kibakiba nako kiraroa n tiku teutana n te rereua.

Te Otinako 14:12

Ti bon aki tuangko ngkoa i m'aain nakora b'a ae na bon riki te aro aei? Ti bon tuangko b'a ko na boni katikuira n arora b'a ti bon aoriira n riki b'a aia toro kaain Aikubita. E raoiroi riki te toronaki irouia kaain Aikubita nakon te mate ikai i nanon te rereua.”

Taeka n Rabakau 13:12

Ko konaa ni kaaorakiko man aki reke ae ko tangiria, ma bon te aroka ae e anga te maiu am iango ae ko tangiria ae e korobukina.

Itaia 51:12

Bon te UEA Ngai, are E kaungaingkami. E aera ngkai kam maaka te aomata? A m'au ma ni mate kaanga te uteute.

Warekaia Iteraera 14:3

E boni kairiira n nako Kanaan te UEA b'a ti na bane n tiringaki ma n tauaki ara aine ma ataei b'a taenikai? E raoiroi riki ngke ti mena i Aikubita.”

Mataio 14:31

E waekoa Iesu ni kanakoa baina n taua, ao E taku nako ina, “Te aomata ae e karako am onimaki! Ko aera ngkai ko nanokokoraki?”

Mareko 4:40

Ao E taku nakoia ana reirei, “E aera ngkai kam maaku? Akea ami onimaki?”

2.I-Korinto 7:5

B'a ngke ti roko i M'aketonia, ao a aki motirawa rab'atara, ma ti karawawataki n aaro nako, n taiani kauntaeka ma aomata, ao n taiani maaku i nanora.

1.Tamuera 16:1

Ao E taku n te bong teuana, “Tamuera, I a tia n ribaa Tauro, ao I aki tangiria b'a e na riki b'a te uea. Ko na aki nanoangaia. Uota b'aan te oriwa teutana n te kaonteina ae uarereke ao naako kawara te aomata ae arana Iete, ae maeka i Betereem. I a tia n rinea natina te m'aane temanna b'a e na uea.”

1.Tamuera 16:13

Ao e atoa te b'a Tamuera i aon atuun Tawita ngke a bon tabe ni mataku tarina nako. Ao n te tai anne, E niniia Tawita Tamnein te UEA ao E moana tikuna i rouna man te tai anne. Ao e oki Tamuera nakon ana auti i Ram'a.

1.Tamuera 20:3

Ao e kaeka Tawita ni kaangai, “E ataa tangirakiu iroum tamam, ao e aki tangiria ni kaongoko te b'ai ae e iangoia, b'a ko kaawa n rangi n nanokawaki iai. I tuea nakoim n aran te UEA ae e maiu, b'a I kaan roaroa ma te mate!”

1.Tamuera 22:5

Ao i mwiina, e roko te burabeti are Kata nakon Tawita ao e taku, “Antai karabako ikanne; ko na kawaekoa nakon aban Iuta.” Ma ngaia are, e nako Tawita nakon buakonikain Ereta.

1.Tamuera 23:17

ao e taku nakoina, “Ko na aki maaku. E na bon aki konaa n tiringko tamau are Tauro. E a ataia raoi b'a boni ngkoe ae ko na riki b'a uean Iteraera ao Ngai N na riki b'a am kauoman.”

1.Tamuera 25:30

Ao ngkana E tia te UEA ni karaoi baika a raraoi aikai ni kabane n aron are E berita iai nakoim ngkoe ae uean Iteraera,

1.Tamuera 26:19

Te uea ae ko karineaki, ongora nakon te b'ai ae N na taekinna. Ngkana bon te UEA ae e karaoiko b'a ko na eekainako, ao e na konaa ni bitaki nanona n te angakarea nakoina; ma ngkana arona b'a bon mairouia aomata ae e riki iai aei, ao ke a b'akariia ana kamaraia te UEA. B'a a tia ni kanakoai man aban te UEA nakon te aba ae e ti tataromauriaki iai antiia ianena.

1.Tamuera 29:2

Ao a m'ananga uean Biritia ake niiman ma aia taanga ni buaka nako aika kaka tebubua ao aika kaka te ngaa rorobuaka iai; ao Tawita ma ana rorobuaka a m'aati mai buki ma te uea are Akiti.

1.Tamuera 29:3

E nooriia te mataniwi n te taanga ni buaka ao e taku, Tera ae a karaoia kaain Ebera aikai ikai?” Ao e taku Akiti, Bon aei Tawita are ana mataniwi te Uea are Tauro are Iteraera. E a kaman mena i rarikiu n te tai ae e a rangi ni maan. Bon akea te b'ai ae I a tia n nooria b'a e buakaka iai arona ni moa man te tai are e roko iai irou.”