1.Tamuera 26:7 - Te B'aib'ara

⁷ Ma ngaia are, a niniia ana kaemb'a Tauro Tawita ma Abitiai n te tairiki anne, ao a kunea Tauro ni matu mai nuukan te maeka ma ana kainiwai ae e unikaki i aon te tano i rarikin atuuna. A matu Abenera ma ana taanga ni buaka ni katobibia.

1.Tamuera 26:7 ပူးပေါင်းရင်းမြစ်များ

Karikani B'aai 45:19

Tuangiia naba b'a a na uoti taiani ka ake a katikitikaki i rouia maan b'a baoia buuia ma natiia ake a uarereke, ao tamaia.

1.Tamuera 17:20

Ao e ongotaeka Tawita iroun tamana. E utim'aaka n te ingabong are i mwiina ao katuka temanna b'a e na kaawakiniia taian tiibu; ao e katauraoi uotana ao e a nako. E roko n aia kaemb'a tautia ngke a tabe tautia ni baaireia nakon te bo ni buaka ma n tatakarua.

1.Tamuera 26:6

Ao e titirakina Aimereka are kaain Eta, ao Abitiai are tarin Ioaba (Tinaia bon Nei Teruia), ao e taku nakoia, “Antai mairoumi ae e na irai nakon ana kaemb'a Tauro?” Ao e kaeka Abitiai ni kaangai, “N na iriko.”

1.Tamuera 26:8

E taku Abitiai nakon Tawita, “E a tia te Atua ni katuka taekan am kairiribai i nanon baim n te tairiki aei, Kariaia b'a N na ewaria n oin ana kainiwai ni kanimm'a ma te tano n ti teuana ruon baiu; I aki manga ewaria riki te kauoua n tai.”