1.Tamuera 26:6 - Te B'aib'ara

⁶ Ao e titirakina Aimereka are kaain Eta, ao Abitiai are tarin Ioaba (Tinaia bon Nei Teruia), ao e taku nakoia, “Antai mairoumi ae e na irai nakon ana kaemb'a Tauro?” Ao e kaeka Abitiai ni kaangai, “N na iriko.”

1.Tamuera 26:6 ပူးပေါင်းရင်းမြစ်များ

Karikani B'aai 10:15

Natin Kanaan mm'aane bon Titon are te karimoa, ao Eta are boni ngaiia aia bakatibu aomata akana a bon ingoani araia.

Karikani B'aai 15:20

kaain Eta, Berita, Rebaim,

Karikani B'aai 23:3

E katuka rab'atan buuna n te tabo are e wene iai, ao e nakoia taian Itaite, ao e taku nakoia,

Karikani B'aai 26:34

Ao ngke ai abwi ana ririki ni maiu Etau, ao e karekeia buuna uoman ainen Eta aika; Nei Iurita are natin Beeri te aine, ao Nei Batemata, are natin Eron.

2.Tamuera 11:21

Kam ongongo ngkoa rongorongon maten Abimereka are natin Kiteon i Tebeti? Kam aki ataia b'a e mate ngkoa iroun te aine are e kab'aka te atiibu ae e buubura mai aon taubukin oon te kaawa? Ao i mwiina, ko na tuangnga b'a temanna mai buakoia ana tautia ake a mate bon Uria are kaain Eta.”

2.Tamuera 11:24

Ao a manga katebeira n aia kanoa ni katebe i aon oon aia kaawa. Iai tabeman am tautia aika a mate ao temanna mai buakoia bon Uria are kaain Eta.”

2.Tamuera 11:6

Ao e a kanakoa te rongorongo Tawita nakon Ioaba ae e kaangai, “Kanakomaia Uria are kaain Eta nako iu.” Ao Ioaba, e kanakoa Uria

2.Tamuera 12:9

E aera ngkai ko aki ongotaeka irou ao ko karaoa te b'ai ae rangi ni kakamaaku? Ko tiringa Uria are kaain Eta ngke ko anga b'a e na tiringaki irouia kaain Ammon, b'a ko aonga ni konaa n anaa buuna.

2.Tamuera 18:5

Ao e ongo te aba te takaarua ae e bane n ongo te aba ae e kaangai, “Ioaba! Abitiai! Itai! I butingkami b'a kam na aki kaikoaka te rorobuaka are Abetarom.”

2.Tamuera 2:13

Ao i nanon te tai anne, e kairiia ana taanga ni buaka Tawita, ao a kaaini kaaitibo koraki aikai n te nei are i Kibeon. A tekateka Abenera ma ana rorobuaka n iteran te nei are teuana, ao Ioaba ma ana rorobuaka a tekateka ni iterana are teuana.

2.Tamuera 2:18

A mena naba ikekei natin Teruia ake teniman ake: Ioaba, Abitiai, ao Ataera. E rangi ni biri m'aaka Ataera kaanga te ria i nanon te tawaana,

2.Tamuera 23:18

Bon te tia kairiiri irouia Taani Buaka ake Teningaun tarin Ioaba are Abitiai, ao n te buaka teuana e tiringiia tenibubua te m'aane n ana kainiwai. Bon te tia buaka ngaia ae tanoata taekana kaanga Taani Buaka ake Teniman

2.Tamuera 23:34

Aiam are natin Tarara te m'aane are kaain Ara, Eribereta are natin Aatib'ai te m'aane mai Maaka

2.Tamuera 23:39

Bootaia ni kabane bon teningaun ma itiman.

1.Uea 10:29

ao e bon nakon uoua te kirokuraem te tirewa i bukiia aoti. Ao a kabonakoi naba taian aoti ma kaanibuaka nakoia kaain Eta ma kaain Turia.

2.Uea 7:6

Ao ngke a tabe ni m'ananga nakon te maeka, ao te UEA e karikiia kaain Turia b'a a na ongo te karongoaa ae kaanga karongoaan te taanga ni buaka aika taan toka i aoia aoti aika a rangi ni m'aiti.

Iotua 3:10

E na katotoroianako mai i m'aaimi kaain Kanaan, ma kaain Eta, ma Iwaite, ma Beritaite, ma Kirekataite, ma Amoraite ao kaain Iebuti. Ao ane kam na ataia b'a E memena te Atua ae maiu i buakomi

1.Tamuera 26:7

Ma ngaia are, a niniia ana kaemb'a Tauro Tawita ma Abitiai n te tairiki anne, ao a kunea Tauro ni matu mai nuukan te maeka ma ana kainiwai ae e unikaki i aon te tano i rarikin atuuna. A matu Abenera ma ana taanga ni buaka ni katobibia.