1.Tamuera 26:21 - Te B'aib'ara

²¹ Ao e kaeka Tauro ni kaangai, “I a tia ni karaoa ae e kaairua. An ooki Tawita, ae natiu te rorobuaka! N na bon aki manga karaoa riki ae e buakaka nakoim, b'a ko a tia n nanoangaai n te tairiki aei. I a tia n nanobaba! I a tia ni karaoi m'akuri aika a kakamaaku!”

1.Tamuera 26:21 ပူးပေါင်းရင်းမြစ်များ

2.Uea 1:13

Ao e a manga kanakoa riki te kateniman n aobitia i bukin te taanga ni buaka, ao nimangaun riki tautia. Ao e tam'arake te aobitia aei nakon Eria, ao e b'aka ni katorobubua ao e bubuti, ana Aomata te Atua, taiaoka nanoangaai ma tautia aika nimangaun aikai aika am toro, tai tiringiira.

2.Uea 1:14

“A tia ni kamannangiia aobitia ma aia tautia ake mai i m'aaira. Taiaoka tai karaoa naba anne nakoira.”

Taian Areru 116:15

Ai rawaawata ra nanon te UEA ngkana e mate temanna irouia ana aomata.

Taian Areru 49:8

B'a akea boona ae tau ni kaboaki iai, aron kaokan maiuna ko bon aki kona naba ni kabooa te Atua

Taian Areru 72:14

E kamaiuia man te karawawataaki ao man te b'ainikirinaki; A kakawaki i rouna maiuia.

Te Otinako 9:27

Ao e kanaanako ni weteia Moote ma Aaron te uea ao e taku, “I a tia ni bure nakon te UEA n te tai aei; e bon eti te UEA, ao I bure ma au aomata.

Warekaia Iteraera 22:34

Ao e kaeka B'araam ao e taku, “I a tia ni kaairua, I aki roko n te ataia ae ko kataia ni katokai. Ngkana ko taku b'a N na aki nako, ao n nang okira au auti n te tai naba aei.

Mataio 27:4

ao e taku, “I a tia ni bure ngke I kam'anea te aomata ae akea ana bure.” Ao a taku, “Tera ara b'ai iai? Ai bon am b'ai anne!”

1.Tamuera 13:13

Ao e taku Tamuera, “Bon te m'aan n nanobaba ae ko karaoia! Ko bon aki ongotaeka iroun te UEA ae Atuam. Ngke arona b'a ko ongotaeka i Rouna, ao e na teimatoa n riki b'a te uea kaain am utu i aoia Iteraera.

1.Tamuera 15:24

Ao e kariaia burena Tauro, ao e taku, “I a tia ni bure. I aki ongotaeka i roum ao i roun te UEA b'a I maaka te taanga ni buaka, ao I ira nanoia.

1.Tamuera 15:30

Ao e taku Tauro, “I boni bure, ma taiaoka ma karineai i mataia taani kairiiri n te taanga ni buaka ao i mataia Iteraera. Okirikaaki ma ngai b'a I aonga ni kona n taromauria te UEA ae Atuam.”

1.Tamuera 18:30

Ao a aki toki n roroko kaain Biritia ni buakana Iteraera, ma e totokanikai Tawita ngkana e buakaniia. Ao e riki b'a te aomata ae kakannato i bukina ngke a m'aiti riki ana totokanikai n te buaka i aoia kaain Biritia nakon Tauro ma ana aobitia.

1.Tamuera 24:17

Ao i mwiina, e taku nakon Tawita, “Ko bon eti, ao I bure. Ko a tia ni karaoa ae e rangi n raoiroi nako iu, ao ngai I bon karaoa ae buakaka nako im.

1.Tamuera 26:22

Ao e kaeka Tawita ni kaangai, “Aei am kainiwai, te uea ae ko karineaki. Kanakomaia temanna am aomata b'a e na nakomai n anaia.

1.Tamuera 26:24

Tera ngke E karaoa ae aron aei nako iu te UEA ma ni kainaomataai man taiani kangaanga ni kabane n aron ae I a tia ni karaoia nakon maium n te bong aei!

1.Tamuera 27:4

Ao ngke e ongo Tauro b'a e biri nako Tawita nako Kata, e aki manga iangoa kakaaeana.