1.Tamuera 26:19 - Te B'aib'ara

¹⁹ Te uea ae ko karineaki, ongora nakon te b'ai ae N na taekinna. Ngkana bon te UEA ae e karaoiko b'a ko na eekainako, ao e na konaa ni bitaki nanona n te angakarea nakoina; ma ngkana arona b'a bon mairouia aomata ae e riki iai aei, ao ke a b'akariia ana kamaraia te UEA. B'a a tia ni kanakoai man aban te UEA nakon te aba ae e ti tataromauriaki iai antiia ianena.

1.Tamuera 26:19 ပူးပေါင်းရင်းမြစ်များ

Karikani B'aai 44:18

Ao e waerake Iuta nakon Ioteb'a ao e taku, “Taiaoka Nao, kariaia b'a N na inaomata n taetae ma ngkoe. Tai un irou, b'a bon ti te arona ngkoe ma te uea.

Karikani B'aai 8:21

E kakukureia te Atua boiararan te karea aei, ao E taku te UEA i boni nanona, “N na bon aki manga karokoa te rekenikai n te aonnaba i bukin aia m'akuri aomata, b'a bon anuani maiuia karaoan te bure ma ngke a moan rikirake. N na bon aki manga kamaunai b'aai aika maiu ni kabane n aron ae I a tia ni karaoia n te tai aei.

2.Tamuera 14:16

I ataia b'a ko bon ongora raoi nakon au kangaanga ao ko kamaiuai ma natiu te m'aane mairouia ake a tangiria n anaa te aba are E anganiira te Atua.

2.Tamuera 16:10

Ao e kaeka Tawita ni kaangai, “Ko na aki katabea nanom iai ma tarim are Ioaba. Ngkana arona b'a e kamaraiaai Timei b'a e tuangnga te UEA, ao antai ngkami b'a kam na katokia?”

2.Tamuera 16:11

Ao e taku Tawita nakon Abitiai ao ana tautia ni kabane: E kataia n tiringai oin natiu te m'aane! Ao e aera ngkai e tangiria riki te m'aane aei man te baronga are Beniamin b'a n na mate riki? Ke kamaraiaia ni kabane akana e tangiriia. E na mena ngkoa ao E bon tuangnga te UEA b'a e na kamaraiaai.

2.Tamuera 20:19

Bon Iteraera ngaira, ao ti tangira te rau! Ti rangi ni kakaonimaki ni b'aai nako. Ao e aera ngkai ko tangiria n urua te kaawa ae ti te bo ma te tina nakon Iteraera? E aera ngkai ko tangiria ni kamaunaiia Ana aomata te UEA?”

2.Tamuera 21:3

Ao e taku, “Tera ngkai te b'ai ae N na karaoia ni karaoa mwiin ana m'akuri Tauro, b'a kam aonga ni butiia te UEA b'a E na akoia riki ana aomata?”

2.Tamuera 24:1

Ao E un te UEA irouia Iteraera, ao e karekea ana iango Tawita b'a e raoiroi ngkana e wareki m'aitiia Iteraera ma Iuta.

1.Uea 22:22

Ao e taku, “N na karaoia ana burabeti b'a a na kewe nakoina.” Ao E taku te UEA, “E raoiroi. Ko na nako ngkai ni karaoa anne.”

1.Rongorongo 21:1

Ao e iangoia Taatan b'a e na karekea te kangaanga nako ia Iteraera ngke e karika Tawita b'a e na iangoia b'a te iango ae e raoiroi kakaean m'aitiia aomatan Iteraera ma Iuta.

Taian Areru 120:5

Ma N na maeka n iruwa, n ai aroia aomatan Meteka, ao n aia kaemb'a kaaini Keta.

Taian Areru 20:4

E na anganiko baika a mamate nanom iai ao ni kakoroi bukin am babaire nako.

Taeka n Rabakau 30:10

Ko na aki tuanga te toka taekan temanna mai buakoia ana toro ae e buakaka. B'a ane e na kamaraiako te toro anne, ao ane ko na reke n te kangaanga.

Itaia 60:5

Ngkana kam noora te b'ai aei, ao a na uremangangaa matami, e na bukibuki manawami ao kam na onrake n te kakatonga. A na bane ni uotaki nakoim baika a kakaawaki man taabo aika a raroa nakoa i aoni marawa ao kaub'aia botannaomata nako.

Nakoaia Ibonga 26:31

N na kamaunai ami kaawa aika a uarereke ma ami auti nako n taromauri, ao N na aki manga kukurei ni boin nako ami karea.

Warekaia Iteraera 36:7

Ao e na aki nako aban te baronga nakon te baronga teuana---e na bon tiku n te baronga are a bon anganaki.

Warekaia Iteraera 36:9

Akea ae na kanakoa aban te baronga nakon te baronga teuana n te iein nakon te baronga teuana.

I-Rom 14:15

B'a ngkana e rawawata nanon tarim i bukini kanam, ao ko aki nakonako n te aro n tangira. Tai urua maiun temanna are E mate Kristo i bukina, n te am'arake are ko kanna.

I-Karatia 5:12

A bia boni koroia ngaiia te koraki akana aki karaungkami!

Te Tua-Kaua 13:3

Kam na aki ongo iroun te burabeti ngkana e taekini taeka aikai. B'a E na taratara te UEA ae Atuami n nooringkami b'a kam tangiria ma nanomi ao tamneimi ni kabane ke kam aki.

2.Timoteo 4:14

Arekantero are te tia karaoi b'aai man te buraati e karaoi baika bubuaka aika bati nako iu. Ane e na kaboaki mwin ana m'akuri aika buakaka iroun te Uea n ai aroni baike e karaoi.

1.Tamuera 18:10

Ao n te bong are i mwiina, E kanakoa te tamnei ae buakaka te UEA b'a e na niniia Tauro, ao e riki kaanga aron te rangirang i nanon ana auti. Ao e rin Tawita b'a e na katanga te aabi n aron are e boni kakaraoia mai m'aaina, ma iai ana kainiwai Tauro i nanon baina n te tai aei.

1.Tamuera 24:9

ao e taku, “E aera ngkai ko ongo irouia aomata aika tuangko b'a aongkoa I kan tiringko?”

1.Tamuera 25:24

i waen Tawita, ao e taku, “Taiaoka teuae ko karineaki, ongora irou! N na bon riai ni bukinai n te b'ai aei.

1.Tamuera 27:1

E taku Tawita i bon i rouna, “E na bae n tiringai Tauro i nanoni boong aikai. E raoiroi riki irou ngkana I biri nako Biritia. Ane e na kakaaeai Tauro i aon Iteraera ao N na bon maiu iai mai rouna.”