1.Tamuera 26:10 - Te B'aib'ara

¹⁰ Ngkai bon iai te UEA ae e maiu, ao I ataia b'a E na bon tiringa Tauro, tao ni bon ana tai ni mate ke e na mate n te buaka.

1.Tamuera 26:10 ပူးပေါင်းရင်းမြစ်များ

Karikani B'aai 47:29

Ao ngke e a kaan ana tai ni mate, ao e a wetea natina are Ioteb'a, ao e taku nako ina, “Kaamai baim b'a N na taubai ma ngkoe, ao ko na berita nako iu b'a ko na aki tauna rab'atau i aon Aikubita.

Iobi 14:14

E kona ni manga maiu te aomata ngkana e a mate? N na tataningai boong aika raoiroi, boong ake a na toki iai kangaanga aikai.

Iobi 14:5

A kaman baaireaki ara bong ni maiu, ao e mena ara tai i Rouna, ao E a tia ni baairea are ti na aki kona n ri aona.

Iobi 7:1

Ti te bo maiun te aomata ma te m'akuri n tautia; kaanga ai aron te kam'akuri ae matoatoa ae karaoia te aomata ni bon rab'atana.

Taian Areru 37:10

E na aki rangi ni maan ao a na mauna mataia akana buakaka; ae ko na kakaeia ma ko na bon aki kona ni kuneia;

Taian Areru 37:13

Ma E ngareakiniia akana buakaka te UEA; b'a E ataa ae a nang kamaunaki.

Taian Areru 94:23

E na kareke kaiia i bukin aia m'akuri aika bubuaka, Ao E na kamaunaia i bukin aia bure; A na kamaunaki iroun te UEA ae Atuara.

Te Minita 3:2

Iai te tai i bukin te bungiaki ao te mate, te tai n ununiki ao te tai ni bobooti uaa,

Ruka 18:7

Ao te Atua, tiaki E na iri taangaia ake a rineaki i Rouna, ake a tangitangira buokaia ni ngaina ao ni bong? E na kamanna n aki kaekai tangitangiia?

I-Rom 12:19

Ngkami aika kam tangiraki, tai iri taangami; E na karaoia te Atua; b'a e koreaki ae kaangai: E taku te UEA, “Au b'ai te irantaanga, N na kabobo Ngai.”

Te Tua-Kaua 31:14

Ao E taku te UEA nakon Moote, Ko na waekoa ni mate. Ma ngaia are, kairaamai Iotua nakon te Um'antabunrianna, b'a N na rineia b'a te tia kairiiri i aoia Iteraera. Ao a nako n rin Moote ma Iotua n te Um'antabunrianna,

Te Tua-Kaua 32:35

A na reke kaiia ara kairiribai n te tai ae aki maan ao ane a na karina ni marannako ao e na waekoa n taorimwiiaki n te kabuanib'ai ae korakora.

Ebera 10:30

B'a ti ata Teuare kangai, “Au b'ai te kareke kai; N na kabobo Ngai”; Ao manga aio: “E na motiki taekaia ana botannaomata te Uea.”

Ebera 9:27

Ao ngkai e katauaki nakoia aomata b'a ti teuana mateia ao i mwina motikan taekaia;

Te Kaotioti 18:8

Ma ngaia ae a na roko baika kamamate i rouna n te bong ae ti te bongina, ae te aoraki ae kamamate, ma te nanokawaki ae bati, ma te rongo; ao e na kabuokaki ni kabaneaki n te ai; b'a E m'aaka te Uea ae te Atua ae motika taekana.

1.Tamuera 24:12

Ke e motikitaekara te UEA b'a antai ae e bure mairoura! Ke E katuaaeko i bukin arom nako iu, b'a N na bon aki karaoa te b'ai teuana nakoim.

1.Tamuera 24:15

E na motikitaeka te UEA, ao e na kakaaea b'a antai mairoura ae e bure, Tera ngke e bon taraa te b'ai ae e riki, E na tei ibuku, ao E na kamaiuai mairoum.”

1.Tamuera 25:26

Bon te UEA ae e tautauko b'a ko na aki tiringa am kairiribai. Ao I tuea ngkai n aran te UEA ae E maiu b'a a na aki konaa n tiringko am kairiribai ma aomata ni kabane akana a tangiria ni kan tiringko ao ana katuaaeaki kaanga Nab'ara.

1.Tamuera 25:38

Tebwina te bong i mwiina, E orea Nab'ara te UEA ao e mate.

1.Tamuera 25:39

Ao ngke e ongo Tawita taekan Nab'ara b'a e a tia ni mate, ao e taku, “E na neboaki te UEA! E a tia n irantangaai mairoun Nab'ara i bukina ngke e kamamaaeai ao E kaawakinai b'a N na aki karaoa ae e buakaka. E a tia te UEA ni katuaaea Nab'ara i bukin ana m'akuri ae e buakaka.” Ao i mwiin arei, e karaoa ana kabutiman Tawita b'a e kan mare ma Nei Abikaira.

1.Tamuera 31:4

E taku nakon te rorobuaka are e uouota ana b'ainibuaka, “Ewarai n am kabaang, b'a a aonga n aki tiringai kaain Biritia aika akea atuaia aikai b'a a aonga n aki kakatonga iai ma n tiringai.” Ma e rangi ni maaku te rorobuaka arei ni karaoa arei. Ma ngaia are, e bon anaa ana kabaang Tauro ma ni kab'aka i aona i bon i rouna.

1.Tamuera 31:6

Ao ai anne aron maten Tauro ma natina m'aane ake teniman; a bane ni mate natin Tauro n te bong anne.