1.Tamuera 25:8 - Te B'aib'ara

⁸ Bon titirakiniia, ao ane a na kaongoraeko. Ti a taonaki ni bongin te bootaki ni kukurei, ao e butiiko Tawita b'a ko na butim'aira n akoira. Ti butiiko b'a ko na anganiira ane e konaa n reke iroum ngaira aika am toro ao nakon raoraom ae Tawita.”

1.Tamuera 25:8 ပူးပေါင်းရင်းမြစ်များ

Etita 9:19

Ao bon aei naba bukina ngkai a kakauringa katebwi ma auan bongin te nam'akaina are Ata I-Iutaia n taian kaawa aika a uarereke, ma ni karikia b'a aia bong ni motirawa ae e kakukurei, ao aia tai ni baka n am'arake ma n anga b'aintangira te am'arake i marenaia.

Etita 9:22

Bon aika boong are a tia iai I-Iutaia ni kamaiuia i bon irouia mairouia aia kairiribai; bon aei te nam'akaina are e a tia n bitaki man te tai n nanokawaki, ma ni korakai nakon te tai n kukurei ma ni kim'areirei. A tuangaki b'a a na kakauringi boong aikai ni karaoa iai aia baka n am'arake, ma n anga aia b'aintangira taian am'arake i bon i marenaia n tatabemaniia nako ao nakoia aika a kainano.

Te Minita 11:2

Tib'ai nako baikana iai iroum nakoia itiman aomata ke waniman, b'a ko aki kona n ataa te tai ae e na roko iai te kabuanib'ai ae e karina.

Ruka 11:41

Ma kam anga b'ai ake i nanon ami m'angko ma ami raurau b'a b'aai n akoi; ao noria, a bane n itiaki b'ai ni kabane i bukimi.

1.Tamuera 24:11

Taraia tamau, noora rabin am kunnikai aei ae I taua aei! I a tia ni konaa n tiringko, ma I aki b'a I ti korea kunnikaim aei. E na teretere iroum ngkanne b'a bon akea au iango ni kakaaitarako ke ni kan tiringko. Ko kakaaeai b'a ko na tiringai, e ngae ngke bon akea te b'ai ae I a tia ni karaoia ae e buakaka.

1.Tamuera 25:9

Ao a karokoa te rongorongo aei nakon Nab'ara n aran Tawita. Ao a tataninga ikekei,

1.Tamuera 3:6

Ao E a manga wetea riki aran Tamuera te UEA. Ao e teirake Tamuera, ao e kawara Eri ao e taku, “Aio ngai, Tera ae ko tangiria?” E kaeka Eri, Natiu, I aki weteiko. Naako oki nakon kiem.”