1.Tamuera 25:44 - Te B'aib'ara

⁴⁴ Ma i marenan taai aikanne, e a tia Tauro n anga natina are Nei Mikara are moan buun ngkoa Tawita b'a e na mare ma Nareti are natin Raiti te rorobuaka are kaain te kaawa are Karim.

1.Tamuera 25:44 ပူးပေါင်းရင်းမြစ်များ

2.Tamuera 3:14

Ao e kanakoia ana mataniwi Tawita ma te rongorongo aei nakon Itiboteta: “Kaoka Nei Mikara are buu nako iu! I a tia n tiringiia tebubua m'aitiia kaain Biritia i bukin mareakiu ma neienne.”

2.Tamuera 3:15

E kanakoia tabeman rorobuaka b'a a na anaa Nei Mikara mairoun buuna are e boou, are Baretiera are natin Raiti te m'aane.

Itaia 10:30

E ongo te aba te tang ae e korakora mani kaawan nako Karim, Raitia, ao te kananoanga are Anatota.

1.Tamuera 18:20

Ao bon iai riki natin Tauro te aine ae arana Nei Mikara, ao e a tib'a ataia Tauro b'a e tangira ma Tawita. Ao e rangi ni kukurei iai Tauro,

1.Tamuera 18:27

ao a m'ananga nako Tawita ma ana m'aane. Ao a tiringiia uabubua kaain Biritia. Ao e uota rikaaki te b'ai ni kakoaua ma ni kaotia nakon Tauro, ao e a kona ni iein ma Nei Mikara. Ao e kariaia Tauro b'a e na iein Tawita ma Nei Mikara.