1.Tamuera 25:35 - Te B'aib'ara

³⁵ Ao i mwiin arei, e kukurei Tawita ni butim'aai b'aai ake e uoti neierei nakoina ao e taku nakoina, “Naako okira mwengam ao tai raraoma. N na karaoa ane ko tangiria.”

1.Tamuera 25:35 ပူးပေါင်းရင်းမြစ်များ

Karikani B'aai 19:21

Ao E taku, “E raoiroi, I kariaia anne, N na bon aki kamaunaa te kaawa are uarereke arei.

2.Tamuera 15:9

Ao e kariaia Tawita, ao e a nako Abetarom nako Eberon.

2.Uea 5:19

Ao e taku Eritai, “Okira am auti, ao tai raraoma n anne.” Ao e a nako Naaman. Ao ngke e a tib'a nako Naaman,

Iobi 34:19

E aki tei n aia itera taan tautaeka, ke n raoniia riki aomata aika kaub'ai nako ia aika kainano, kioina ngke E bon karikia aomata ni kabane.

Taeka n Rabakau 25:11

Taekinan te taeka ae e eti n taina ae e riai kaanga ai aron te koora ae e tamaroa ae e nneaki n te tirewa.

Ruka 7:50

Ao E taku Iesu nakon te aine arei, “E kamaiuko am onimaki; naako ma te rau.”

Ruka 8:48

Ao E taku Iesu nako ina, “Natiu, e kamaiuko am onimaki; naako ma te rau!”

1.Tamuera 1:17

Ao e taku Eri, “Okira mwengam. Ana bane n raoiroi b'aai ni kabane. E na bon kaekai am tataro Atuaia Iteraera.”

1.Tamuera 20:42

Ao i mwiina, e taku Ionatan nakon Tawita, “E na raoraoniko te Atua. E na bon kakoroa raoi nanon au berita ma ngkoe te UEA, ao i marenaia naba am kariki ma au kariki n aki toki.” Ao i mwiina, e nako Tawita ao e oki Ionatan nakon te kaawa.