1.Tamuera 25:34 - Te B'aib'ara

³⁴ E a tia te UEA ni kaawakinai b'a N na aki karaoa ae e buakaka nakoim. Ma I bon tuea n aran te UEA b'a ngke arona b'a ko bon aki waekoa n roko ni kawarai, ao a na bane ni mate ana rorobuaka Nab'ara nakon te moaningabong!”

1.Tamuera 25:34 ပူးပေါင်းရင်းမြစ်များ

Karikani B'aai 20:6

Ao E kaeka te Atua n te mii, “Eng, I ataia b'a ko karaoa anne ma te nano ae itiaki, ao bon anne bukina are I tuukiko iai b'a ko na aki nako iu, ao ko na aki riingnga naba Nei Taara.

Iotua 10:6

A kanakoa aia taeka aomatan Kibeon nakon Iotua ngke e kaemb'a i Kirekara ao e kaangai, “Tai kitaniira, taiaoka kawaekoa n nakomai ni kamaiura, b'a a kabooi nanoia uean Amoraite ake aaba akea tabukibuki ni buakaniira.”

Iotua 10:9

Ao a nakonako n te tairiki arei mai Kirekara nako Kibeon, ao a buakaniia taian Amoraite n te aro ae a aki kaantaningaaki.

1.Tamuera 11:11

Ao n te bong are i mwiina, e bwenaua te taanga ni buaka Tauro nakon tenua te m'akoro ao ni buakaniia i m'aain otin taai. A waakina tiringakiia kaain Ammon, ao a waakinna ni karokoa mwiin te tawanou. A iangoa birinakoia tabeman kaain Ammon, ma a rangi ni uamaaenako n tatabemaniia nako.

1.Tamuera 25:18

Ao e kawaekoaa Nei Abikaira ni karekei taiani kariki aika 200 m'aitina, uoua te baeki n ran aika kunin te man ae a onrake n te wain, niiman tiibu aika umunaki, 17 te kirokuraem te uita ae e tinimaki, 100 amwiin te kureebe ae a m'au, ao 200 te amwi ni biiku aika a m'au, ao e katokai i aon te aati.

1.Tamuera 25:22

Tera ngkana e oreai n tiringai te Atua ngkana I aki tiringiia ni kabane aomata aikai nakon te ingabong!”

1.Tamuera 25:26

Bon te UEA ae e tautauko b'a ko na aki tiringa am kairiribai. Ao I tuea ngkai n aran te UEA ae E maiu b'a a na aki konaa n tiringko am kairiribai ma aomata ni kabane akana a tangiria ni kan tiringko ao ana katuaaeaki kaanga Nab'ara.

1.Tamuera 25:39

Ao ngke e ongo Tawita taekan Nab'ara b'a e a tia ni mate, ao e taku, “E na neboaki te UEA! E a tia n irantangaai mairoun Nab'ara i bukina ngke e kamamaaeai ao E kaawakinai b'a N na aki karaoa ae e buakaka. E a tia te UEA ni katuaaea Nab'ara i bukin ana m'akuri ae e buakaka.” Ao i mwiin arei, e karaoa ana kabutiman Tawita b'a e kan mare ma Nei Abikaira.