1.Tamuera 25:29 - Te B'aib'ara

²⁹ Ngkana iai ae e na buakaniko ao ni kataia n tiringko, ao E na kaawakiniko te Atua b'a ko na mano raoi, kaanga te aomata ae e kakaawakina te kaub'ai ae e kakaawaki. E na karenakoia am kairiribai nako te UEAkaanga te aomata ae e karenakoa te atiibu n te bana.

1.Tamuera 25:29 ပူးပေါင်းရင်းမြစ်များ

Karikani B'aai 15:1

Ao i mwiin aei, ao e roko te kaotioti iroun Aberam, ao e ongo Ana taeka te UEA ngke E kaangai, “Ko na aki maaku, Aberam. N na kamanoko man taiani kaangaanga ao N na anganiko kaniwangam ae moan te buubura.”

2.Tamuera 4:8

Ao n tokina a manga rairaki ni wairio nako Eberon. A tangiria n noora Tawita n taetae ni kaangai, “Teuae ko karineaki, aio atuun Itiboteta, are natin am kairiribai are Tauro are e kataia n tiringko! E a tia te UEA ni kaboraoiko ma Tauro ma ana utu.”

Iobi 27:22

e oroia te ang n aki manga nanoangaia ngke a tabe ni kakaai angaia ni birinako.

Taian Areru 116:15

Ai rawaawata ra nanon te UEA ngkana e mate temanna irouia ana aomata.

Taian Areru 54:3

A roko n eekainako aomata aika kainikatonga, Ao a kataia b'a a na tiringai aomata aika tiritiri, aika aki mutiakina te Atua.

Taian Areru 66:9

E a tia ni kateimatoai maiura, Ao E a tia ni kawakiniira b'a ti na aki b'aka.

Ieremia 10:18

E taku te UEA b'a e na uotingkami taiani kangaanga aikai nakon te kataenikaiaki, ao ane kam na karenakoaki man abami kaanga te atiibu are kanoan te bana.”

Maraki 3:17

Ao e taku te UEA ae Moan te M'aaka: Kam rangi ni boongana irou ngkami aika aomata, ao N na bon tei i bukimi ngkana I roko n uota te motikitaeka ae eti, kaanga kaaro ngkana a kaawakiniia natiia aika a ongotaeka.

Ioane 14:19

Ai ti teutana, ao e na aki manga norai aonnaba; ma kam na manga norai. Ngkai N na manga uti, ao ngkami kam na manga uti naba.

Ioane 17:21

b'a a na bane n riki n teuana; n ai arora, ngkai Ko mena i nanou, Tamau, ao Ngai i nanom: b'a a na mena naba i nanora, b'a e aonga ni kakoaua te aba b'a Ko kanakomaiai.

Ioane 17:23

Ngai i nanoia, ao Ngkoe i nanou, b'a a aonga ni katiteuanaki raoi, ao e na ataia te aba b'a Ko kanakomaiai ao Ko tangiriia, n ai arom ngkai Ko tangirai.

Te Tua-Kaua 33:29

E a tia ni kamaiungkami te UEA ao ma n anganingkami taiani kakab'aia ae m'aiti riki nakon kakab'aiakiia botannaomata tabeua. Kaanga ai aron te otanga Ngaia ngkana E kamanoingkami ao bon ami kabaang ae mimitong Ngaia. A na bobaraaki ami kairiribai ma te maaku, ao ane kam na toubekai nuukaia.

1.Betero 1:5

ngkami aika kam kawakinaki ni m'aakan te Atua n te onimaki, i bukin te kamaiuaki ae e tauraoi ni kaotaki n te kabanea n tai.

1.Tamuera 2:9

Ko kaawakiniia am aomata aika kakaonimaki ma ni kabane aika buakaka a na mate i nanon te rotongitong. Ti aki kona n tokanikai ni bon oin korakorara.