1.Tamuera 25:18 - Te B'aib'ara

¹⁸ Ao e kawaekoaa Nei Abikaira ni karekei taiani kariki aika 200 m'aitina, uoua te baeki n ran aika kunin te man ae a onrake n te wain, niiman tiibu aika umunaki, 17 te kirokuraem te uita ae e tinimaki, 100 amwiin te kureebe ae a m'au, ao 200 te amwi ni biiku aika a m'au, ao e katokai i aon te aati.

1.Tamuera 25:18 ပူးပေါင်းရင်းမြစ်များ

2.Tamuera 16:1

Ao e m'ananga Tawita nakon iteran te Maunga are Oriweta are te iterana, ngke a kaaitibo ma Tiba, are mataniwiia ana taani m'akuri Mebiboteta. Iai uoman ana aati Tiba aika a uoti uabubua taiani kariki, ao tebubua te abuta te kureebe are e a m'au, ao tebubua taiani biiku, ao tabeua taiani wain.

1.Rongorongo 12:40

Kaain Iteraera ake tekorakina ake a roko man taabo aika a raroa nako man abaia kaain Itakara, Teburun, ao Nabetari a uoti aia nanai ni kao ao aia tiibu b'a a na tiringaki i bukin te am'arake. A bon uoti naba aia aati, miure, ao taiani kao m'aane aika on aoia n taiani buraawa, taiani biiku aika a m'au, taiani wain, ao b'aan te oriwa. Bon aio kaotan nanoia ae a rangi ni kukurei aomata ni kabane i aon Iteraera.

Taeka n Rabakau 18:16

E na kairiko te b'aintangira nakon nooran temanna.

Taeka n Rabakau 21:14

E na kamaiungkami mairoun ane e rangi n un te kamaraato ae e raba.

Taeka n Rabakau 31:12

E rangi n raoiroi nakon buuna ni kabane bongini maiuna,

Mataio 5:25

Ko na bareiko n raoiakina te aomata are na uota taekam nakon te kabowi n te tai are ko mena iai ma ngaia i aoni kawaimi nakon te kabowi, b'a e kawa n anga ngkoe nakon te tia motikitaeka, ao e kawa te tia motikitaeka n anga ngkoe nakon te bureitiman, ao ko kawa ni kakiaki i nanon te karabuuti.

1.Tamuera 17:17

Ao n te bong teuana, ao e taku Iete nakon Tawita, “Kawaekoako n uotaanako te baeki n uita ae tinimaki aei ao taian kariki aika tebwina aikai nakoia tarim ake n aia kaemb'a n te taanga ni buaka.

1.Tamuera 25:17

Taiaoka ma kareerekea riki am iango iai ao karekea am iango b'a tera ae ko na karaoia nako iai. E konaa n riki te b'ai aei b'a rokon te kangaanga nakon ana toka ao kaain ana utu ni kabane. Bon te aomata ngaia ae e raarawa n tuangaki arona, ao bon akea ae e konaa n ongo i rouna!”

1.Tamuera 25:34

E a tia te UEA ni kaawakinai b'a N na aki karaoa ae e buakaka nakoim. Ma I bon tuea n aran te UEA b'a ngke arona b'a ko bon aki waekoa n roko ni kawarai, ao a na bane ni mate ana rorobuaka Nab'ara nakon te moaningabong!”