1.Tamuera 24:9 - Te B'aib'ara

⁹ ao e taku, “E aera ngkai ko ongo irouia aomata aika tuangko b'a aongkoa I kan tiringko?”

1.Tamuera 24:9 ပူးပေါင်းရင်းမြစ်များ

Taian Areru 101:5

N na kamaunaa ane wirikiriki ni winantia raona; N na aki raoraona ane mata ni karietata ao e kainikatonga.

Taian Areru 141:6

Ngkana a teweaki nako aia tia motiki-taeka mani b'a aika ririeta, Ao a na kakoaua iai aomata b'a a eti au taeka.

Taeka n Rabakau 16:28

E aki raoiroi te maningongoo! E kariki taian namakin aika a buakaka ao e urui reitakiia raao.

Taeka n Rabakau 17:4

E kakauongo te tia kakiriwe irouia taani kakiriwe, ao a ongo taani kewe irouia taan kewe.

Taeka n Rabakau 18:8

Bon akea riki ae e kangkang ae ai aron katoongan te winanti! E mauna nako i nanon wiim.

Taeka n Rabakau 25:23

Ngkai e bon waaki te karau mai meang, ao ai aron naba taeka aika a buakaka b'a a nako man te maraki n nano.

Taeka n Rabakau 26:28

Tarataraia raoi akana a tataekina te kewe ma te karang a otinako b'a a na raweiko.

Taeka n Rabakau 29:12

E a tia ni uruia aroia ana mataniwi te tia tautaeka ae e ongongo n taiani kewe.

Ieremia 37:18

Ao i mwiina, I reitanako au taeka ao I kaangai, “Teuae ko karineaki, E aera ngkai ko karinai n te karabuuti? I a tia ni kaairua n eekinakoko ma am mataniwi ke te botannaomata?

Nakoaia Ibonga 19:16

Tai riki b'a te tia wiwinanti, ao tai tatab'ara n taetae n te kabowi, ti ngkana e na boni maiu temanna n am kaotioti.

Iakobo 3:6

Ao te newe ai aron te ai. B'a te newe kanga te aonnaba ae on n te buakaka i buakoni b'ain rab'atara nako; e kam'araea te rab'ata ni kabane, ao kanga e kaurarakea maiura ae b'anin n uran te ai mai Keenna.

1.Tamuera 20:1

Ao e biri nako Tawita mai Naiota i Ram'a ao e nakon Ionatan ao e taku, “Tera ae I a tia ni karaoia? Tera au bure ae I a tia ni karaoia? Tera te kaairua ae I a tia ni karaoia nakon tamam n te aro ae e nang tiringai iai?”

1.Tamuera 20:41

Ao ngke e a nako te ataeinim'aane arei, e a kaotia Tawita mai akuun taian b'ariko n atiibu, ao e b'aka i aon bubuaniwaena ao e bobaraaki ni kabooa matana ma aontano tenua te tai. Ao a kaai n tang ma ni kiiti i bon irouia; e korakora riki nanokaawakin Tawita nakon Ionatan.

1.Tamuera 24:10

ko konaa n nooria raoi b'a E a tia te UEA n anga ngkoe nako aani m'aakau. A tuangai tabeman au rorobuaka b'a N na tiringko, ma I nanoangaiko ao I taku b'a N na bon aki kona n tiringko, b'a boni ngkoe temanna ae E a tia n rineiko te UEA b'a ko na uea.

1.Tamuera 24:8

Ao e otinako Tawita n ri mwiina ao e takaarua nakoina, “Te uea ae ko karineaki!” Ao e rairaki Tauro, ao e boobaraaki Tawita nako aontano ni karinea

1.Tamuera 26:18

Ao e a manga reitia riki ma n taku, “E aera teuae ko karineaki ngkai ko a bon ririmwiiai naba, ngai ae am toro? Iai te b'ai ae I a tia ni karaoia? Tera te kaairua ae I a tia ni karaoia?

1.Tamuera 26:19

Te uea ae ko karineaki, ongora nakon te b'ai ae N na taekinna. Ngkana bon te UEA ae e karaoiko b'a ko na eekainako, ao e na konaa ni bitaki nanona n te angakarea nakoina; ma ngkana arona b'a bon mairouia aomata ae e riki iai aei, ao ke a b'akariia ana kamaraia te UEA. B'a a tia ni kanakoai man aban te UEA nakon te aba ae e ti tataromauriaki iai antiia ianena.