1.Tamuera 24:6 - Te B'aib'ara

⁶ ao e taku nakoia ana rorobuaka, “E na bon aki kariaia te UEA b'a N na karaoa ae e aki raoiroi nakon au toka, are bon te uea ae e rineaki! N na bon aki tiringnga, b'a bon au uea ae e rineaki iroun te UEA!”

1.Tamuera 24:6 ပူးပေါင်းရင်းမြစ်များ

2.Tamuera 1:14

Ao e taku Tawita nakoina, “Ko kangaa n aki maaku n tiringa te uea ae e rineaki iroun te UEA?

2.Tamuera 24:10

Ao ngke e tia Tawita ni wareki m'aitiia aomata nako, ao e a namakinna b'a e bure iai ao e taku nakon te UEA, “Bon te m'akuri ni baba te b'ai ae I a tia ni karaoia ao bon te m'akuri ae e rangi ni kaairua. Te UEA, taiaoka kab'araa au bure.”

1.Uea 21:3

Ao e taku Naabota, “I bon aki konaa n anganiko b'a aia onaroka au bakatibu.”

Mataio 5:44

Ma Ngai I taku nako imi, Kam na tangiriia ami kairiribai, ao tataro i bukiia akana b'ainikiriningkami,

I-Rom 12:14

Kam na taetae ni kakab'aiaia akana b'ainikiriningkami; taetae ni kakab'aiaia, ao tai atongi taeka aika a na reke kaiia iai.

1.I-Tetaronike 5:15

Kam na taraia b'a akea temanna ae na karaoa ae buakaka nakon temanna i bukina ngke te aomata arei e a tia ni karaoa ae buakaka nako ina; ma kam na ukoukora ae raoiroi i bukimi n taai nako, ao i bukiia naba aomata ni kabaneia.

1.Tamuera 12:3

N nang titirakiningkami moa, I a tia n anaa ana kaom'aane te aomata temanna ke ana aati, ke ni imanonoingkami b'a kam na anganai te b'ai teuana? I a tia ni kaikoaka te aomata temanna ke ni karaoa te kamaraato i bukin karaoan te babaire ae aki eti? Kam na kaekaai ngkai b'a e na ongo te UEA ma te uea are E rineia. B'a ngkana arona b'a I a tia ni karaoa teuana mai buakon baikai, ao n na kabooa mwiina.

1.Tamuera 24:7

Ma ngaia are, e anaa nanoia ana rorobuaka Tawita b'a a na aki buakana Tauro. Ao e teirake Tauro, e kiitana te nangananga ni b'aa ao e waakina nako kawaina.