1.Tamuera 24:4 - Te B'aib'ara

⁴ Ao a taku nakoina, “Aio am tai! E a tia n tuangko te UEA b'a E na kaaki am kairiribai i aan m'aakam ao ko konaa ngkai ni karaoa ane ko bon taku.” Ao e kawakawa nako Tawita ao e korea rabin ana kunnikai Tauro n te aro ae e na aki namakinna.

1.Tamuera 24:4 ပူးပေါင်းရင်းမြစ်များ

2.Tamuera 4:8

Ao n tokina a manga rairaki ni wairio nako Eberon. A tangiria n noora Tawita n taetae ni kaangai, “Teuae ko karineaki, aio atuun Itiboteta, are natin am kairiribai are Tauro are e kataia n tiringko! E a tia te UEA ni kaboraoiko ma Tauro ma ana utu.”

Iobi 31:31

A bane n ataia aomata ake a m'akuri i rou b'a I teimatoa ni bubutim'aia iruwa.

Taian Areru 142:1

I wetea te UEA b'a E na buokai; I bubutiia.

Taian Areru 57:1

Ko na nanoangaai, te Atua, Ko na nanoangaai, B'a boni Ngkoe reken rauni maiu. Ko kamanoai i aan nuuni baim ni kiba ni karokoa e toki karen angibuakan te maiu.

Te Otinako 21:13

Ngkana arona b'a tiaki nanona n tiritiri, ao bon Ngai ae te UEA ae e karika anne, ao kam na riai ni biri nako n rawea maiumi n taabo ni kamanomano ake I a tia ni kaokoroi.

1.Tamuera 22:1

Ao e a manga biri nako Tawita nakon te aba are Kata ao e nakon te nangananga ni b'aa are i rarikin te kaawa are Aturam. Ao ngke a ongo tarina nako ao ana utu ni kabane b'a e a mena ikekei, ao a nako n raonna.

1.Tamuera 23:17

ao e taku nakoina, “Ko na aki maaku. E na bon aki konaa n tiringko tamau are Tauro. E a ataia raoi b'a boni ngkoe ae ko na riki b'a uean Iteraera ao Ngai N na riki b'a am kauoman.”

1.Tamuera 23:7

Ao e ongo Tauro te rongorongo b'a e nako Keira Tawita, ao e taku, “E a tia te Atua ni kaaki Tawita i aani m'aakau. E kam'anea i bon i rouna n rin te kaawa ae e ooaki ma nonona aika iai mataroana.”

1.Tamuera 24:10

ko konaa n nooria raoi b'a E a tia te UEA n anga ngkoe nako aani m'aakau. A tuangai tabeman au rorobuaka b'a N na tiringko, ma I nanoangaiko ao I taku b'a N na bon aki kona n tiringko, b'a boni ngkoe temanna ae E a tia n rineiko te UEA b'a ko na uea.

1.Tamuera 24:18

Ko a tia ni kaotiko n te bong aei b'a ko bon rangi n raoiroi nako iu, ko aki tiringai, e ngae ngke e kaaki taekau te UEA i nanon baim!

1.Tamuera 26:23

E na anga te kaniwanga te UEA nakoia aika a kakaonimaki ma ni karaoa ae e raoiroi. E nang kaaki taekam i nanoni baiu te UEA, ma I aki karaoa ae e buakaka nakoim, ngkoe ae ko rineaki b'a ko na uea iroun te UEA.