1.Tamuera 24:18 - Te B'aib'ara

¹⁸ Ko a tia ni kaotiko n te bong aei b'a ko bon rangi n raoiroi nako iu, ko aki tiringai, e ngae ngke e kaaki taekau te UEA i nanon baim!

1.Tamuera 24:18 ပူးပေါင်းရင်းမြစ်များ

Karikani B'aai 38:26

Ao e kinai Iuta, ao e taku, “E bon eti neienne, ao I a tia ni bure n aki kakoroa bukin au taeka nakoina-N na riai ni kaman anaia b'a buun natiu te mm'aane are Teera.” Ao e aki manga oki Iuta ni kawara neierei.

Taian Areru 31:8

Ko aki anga ngai nako nanoni baiia taan ribaai; Ko a tia ni kainaomataai b'a N na nako ike I kan nako iai.

Taian Areru 7:5

Ngkana I a tia ni karaoa aron aei, ao a na kaeai au kairiribai ao N na reke irouia. A na toubekaai ni karokoa mateu ao a na katukai i buakon bubun aontano.

Taeka n Rabakau 25:22

B'a kanga ti te bo ma ikoikotan m'akaro n ai i aon atuuia. Ao ane e na anganiko kaniwangam te UEA.

1.Tamuera 23:12

Ao e manga titiraki Tawita ni kaangai, “A na anga ngai ma au rorobuaka kaain Keira nakon Tauro?” Ao E taku te UEA, “A na bon karaoa anne.”

1.Tamuera 23:7

Ao e ongo Tauro te rongorongo b'a e nako Keira Tawita, ao e taku, “E a tia te Atua ni kaaki Tawita i aani m'aakau. E kam'anea i bon i rouna n rin te kaawa ae e ooaki ma nonona aika iai mataroana.”

1.Tamuera 24:10

ko konaa n nooria raoi b'a E a tia te UEA n anga ngkoe nako aani m'aakau. A tuangai tabeman au rorobuaka b'a N na tiringko, ma I nanoangaiko ao I taku b'a N na bon aki kona n tiringko, b'a boni ngkoe temanna ae E a tia n rineiko te UEA b'a ko na uea.

1.Tamuera 24:19

Bon akea te aomata ae e a tia n reke ana kairiribai i nanon baina ao e a manga kanakoa ma te rau. E na kakab'aiako te UEA n te b'ai ae ko a tia ni karaoia nako iu n te bong aei!

1.Tamuera 26:23

E na anga te kaniwanga te UEA nakoia aika a kakaonimaki ma ni karaoa ae e raoiroi. E nang kaaki taekam i nanoni baiu te UEA, ma I aki karaoa ae e buakaka nakoim, ngkoe ae ko rineaki b'a ko na uea iroun te UEA.

1.Tamuera 26:8

E taku Abitiai nakon Tawita, “E a tia te Atua ni katuka taekan am kairiribai i nanon baim n te tairiki aei, Kariaia b'a N na ewaria n oin ana kainiwai ni kanimm'a ma te tano n ti teuana ruon baiu; I aki manga ewaria riki te kauoua n tai.”