1.Tamuera 24:16 - Te B'aib'ara

¹⁶ Ao ngke e bane ana taeka Tawita, ao e taku Tauro, “Boni ngkoe anne Tawita, Tawita ae natiu?” Ao e a tang.

1.Tamuera 24:16 ပူးပေါင်းရင်းမြစ်များ

Karikani B'aai 16:5

Ao e taku Nei Tarai nakon Aberam, “E bon nako mairoum te b'ai aei ngkai e a manga aki kubarai Nei Aka. I bon anganiko ngkoa, ao ngkai e a ataia b'a e a bikoukou, ao e a aki kubarai. Ke E baairei taekara te UEA b'a antai ae bure mai roura, ngkoe ke ngai.”

Karikani B'aai 2:2

Ao e bane ana m'akuri te Atua n te kaitiua ni bong, ao E toki ni m'akuri iai.

Karikani B'aai 33:4

Ma e biri Etau nakoina, e rab'atia, ao e inga ma ngaia. Ao a kaai n tang.

1.Rongorongo 12:18

Ao Amatai are temanna mai buakoia m'aane akekei are e a manga riki b'a te tia kairiiri irouia Taani Buaka ake Teningaun, e kawara Tawita. E niniaki n Tamnein te Atua, ao e taku, “Ti na raoningkami, Tawita ae natin Iete! Ko na tetekeraoi ngkoe ma raom, b'a E buaka te UEA man ami itera.” Ma ngaia are, e kariaia Tawita b'a a na tiku i rarikiia, ao e anganiia tib'angaia b'a taan tararuaia tautia ake a na niniia aia kaawa irouia aia kairiribai.

Iobi 6:25

Taetae aika koaua a nang anainano, ma kam taetae n nanobaba.

Taian Areru 119:154

Buokai n taetae i buku, ao kainaomataai; Kamaiuai n ai aron am Taeka.

Taeka n Rabakau 15:1

E karaua te nano ae e un te kaeka ae e nanorinano, ma a kakiriweea te nano taeka aika a kaebuebu.

Taeka n Rabakau 25:11

Taekinan te taeka ae e eti n taina ae e riai kaanga ai aron te koora ae e tamaroa ae e nneaki n te tirewa.

Ruka 21:15

B'a Ngai ae N na anganingkami te wii ae ribinewe ma te rabakau, b'a a aonga n aki kona aiami n tuuki ao ni kakewei ami taeka.

M'akuri 6:10

Ma a aki kona ni kaitaraa Tetebano n aia taeka i bukina b'a E a tia te Tamnei are Raoiroi n anganna te rabakau n taetae.

Tani Motiki-taeka 11:27

Bon akea te kaairua ae I a tia ni karaoia nakoimi, ao e rangi ni kaairua ngkai ko a iangoa te buaka. I tataro nakon te UEA b'a E na kaotia b'a tao e eti Iteraera ke Ammon.

1.Tamuera 26:17

Ao e kinaa b'anaan Tawita Tauro ao e titiraki ni kaangai, “Tawita, boni ngkoe anne ae natiu te rorobuaka?” Ao e kaeka Tawita ni kaangai, “Eng, teuae ko karineaki.”

1.Tamuera 26:24

Tera ngke E karaoa ae aron aei nako iu te UEA ma ni kainaomataai man taiani kangaanga ni kabane n aron ae I a tia ni karaoia nakon maium n te bong aei!