1.Tamuera 24:14 - Te B'aib'ara

¹⁴ Ani bon noora aron uean Iteraera ngkai e kataia n tiringai, ngai ae kaanga ai aron te kamea ae e mate, ke utin te man!

1.Tamuera 24:14 ပူးပေါင်းရင်းမြစ်များ

2.Tamuera 16:9

Ao e taku Abitiai, “Te Uea ae ko karineaki, ti te bo te aomata aei ma te kamea ae akea manenana ae e a mate! E riai n aki anganaki te kariaia b'a e na kamaraiako. Kariaiai b'a N na nako ni korea roroana ni kanakoa.”

2.Tamuera 3:8

Ma e rangi ni maraki nanon Abenera n ana taeka Itiboteta, ao e taku nakon Itiboteta: Ko taku b'a antai ngai, kamean Iuta ae akea manenana? I a tia ni kakaonimaki nakoia ana utu tamam ao nakoia ana koraki ma raoraona nako. I tuai man anga ngkoe nakon Tawita. Ao ngkai ko a taetae n aron anne nako iu b'a kaanga aei aron ae iai au kaairua ma te aine aei.

2.Tamuera 6:20

Ao e okira mwengana Tawita b'a e aonga ni konaa ni buubutiia te UEA b'a e na kakab'aiaia ana utu. Ma e otinako Nei Mikara are natin Tauro te aine ao e a tatakarua nakoina ni kaangai, “Ko rangi ni kakannato n te bong aei! Ko karaoa aron te unim'aane ae e baareka, ni m'am'aie ni bebeekan i mataia am taan ni m'akuri aika ataeinaine.”

2.Tamuera 9:8

E a manga bobaraaki riki Mebiboteta ao e taku, “E aera ngkai ko tabeakinai? E manena riki te kamea ae e mate nako iu.”

1.Uea 21:7

Ao e taku Nei Ietebera, “Tiaki te uea ngkoe? Teirake man am kainiwene ao am'arake. N na anaa ana onaroka Naabota i bukim.”

Otea 10:13

Ko a tia n unika te buakaka, ko taia te motibuaka, ao ko kana uaan am kewe. Ko onimakina oin korakoram ma korakoran am taanga ni buaka nako.

1.Tamuera 17:43

Ao e taku Koria, “Ko nakomai ma te kai b'a ko taku b'a te kamea ngai?” Ao e kamaraia Tawita n aran atuaia kaain Biritia

1.Tamuera 26:20

Ko na aki kariaia b'a N na tiringaki n tanon abaia ianena, n te tabo ae e raroa nako mairoun te UEA. E aera uean Iteraera ngkai e nakomai b'a e na tiringai ngai ae kaanga utin te man? E aera ngkai e kaeai kaanga te mannikiba ae e aki manana?”