1.Tamuera 23:4 - Te B'aib'ara

⁴ Ma ngaia are, e a manga titirakina riki te UEA, ao E taku te UEA nakoina, “Ko na nako ni buakaniia kaain Biritia i Keira, b'a N na anganingkami te tokanikai i aoia kaain Biritia.”

1.Tamuera 23:4 ပူးပေါင်းရင်းမြစ်များ

2.Tamuera 2:1

Tabeua te tai i mwiina, e titirakina te UEA Tawita ni kaangai, “E na riai b'a N na nako nakon kaawan Iuta?” Ao E kaeka te UEA ni kaangai, “Eng, Ko riai.” Ao e titiraki Tawita ni kaangai, “Ao te kaawa raa ae N na nako iai?” Ao E kaeka te UEA ni kaangai, “Naako Eberon.”

2.Tamuera 5:19

Ao e titirakina te UEA Tawita ni kaangai, “N na buakaniia kaain Biritia ke N na aki? Ko na katokanikaiai ke ko na aki? Ao E tuanga Tawita te UEA ni kaangai, “Buaka! N na katokanikaiko.”

2.Uea 3:18

Ti aki ti anne te b'ai ae e uarereke ae E na karaoia te UEA. E na boni buokingkami naba ni kataenikaia kaain ana taanga ni buaka Moaaba.

1.Rongorongo 14:10

Ao e titirakina te Atua Tawita ni kaangai, “E riai b'a n na buakania kaain Biritia ke n na aki? Ko na buokai b'a i aonga n tokanikai ke ko aki?” Ao e taku te UEA nakon Tawita, “Eng, buakaniia! N na anganiko te tokanikai.”

Iotua 8:7

Ao kam na kawaekoai ngkami n otinako man te tabo are kam karabai ngkami iai ao kam na niniia te kaawa ma n taua. E na anga te kaawa te UEA ae Atuara nako nanoni baimi.

Tani Motiki-taeka 6:39

Ma e a manga tataro riki Kiteon nakon te Atua ni kaangai, “Taiaoka n aki un irou. Kariaia b'a N na kata riki te b'ai aei te kabanea n tai, b'a I aonga ni koaua raoi b'a Ko na boni buokai. N te tai aei ngkanne, e na manga m'au te buraentiibu, ao e na m'aim'ai te atiibu ae raababa aei n te aoi.”

Tani Motiki-taeka 7:7

Ao E taku te UEA, “Kiteon, ko na anaiia aomata ake a itiia te ran ni baiia ma n newenewe ni mooi mai iai. Ao kaokiia akana nikiraia nakoni mwengaia. N na buokiko ni kamaiuia Iteraera, ao ni buokiia naba te taanga ni buaka are 300 m'aitiia ni kataenikaiia kaain Miiria.”

Tani Motiki-taeka 7:9

Ao E taku te UEA nako Kiteon n te tairiki anne, “Teirake ngkai, ao buakana aia maeka kaain Miiria. N na anganingkami te tokanikai i aoia,

1.Tamuera 10:22

Ao a tataro aomata ni kaangai, “Ara UEA, e mena ikai Tauro ke e aki?” Ao E taku te UEA, “Eng, ane e karaba i buakon b'aai.”

1.Tamuera 23:2

Ma ngaia are, e titirakina te UEA ni kaangai, “E riai b'a N na nako ke N na aki nako ni buakaniia kaain Biritia?” Ao E kaeka te UEA ni kaangai, “Eng, ko na nako ni buaka ni kamaiua Keira.”

1.Tamuera 23:3

Ma a taku ana rorobuaka nakoina, “Ti a bon maakuia naba kaain Biritia mai ikai, ao e na bon rangi ni korakora riki makura ngkana tia nako riki ni buakana ana taanga ni buaka Biritia i Keira!”

1.Tamuera 23:5

Ma ngaia are, a nako Tawita ma ana rorobuaka nako Keira ao a buakaniia kaain Biritia; a tiringiia aika a rangi m'aiti mai buakoia ao a anai aia nanai ni man. Ao anne aron Tawita ni kamaiua te kaawa.

1.Tamuera 28:6

ma ngaia are, e titirakina te UEA b'a tera ae e na karaoia. Ma E aki roko n te kaekaa te UEA, e aki naba anganna te mii ke ni kamanenaan te Urim ma te Tummim ke mairouia burabeti.

1.Tamuera 30:8

Ao e titirakina te UEA Tawita ni kaangai, “N na riai n rimwiia taan kurib'ai? Ao N na kauiaia?” Ao E kaeka ni kaangai, “Naako rimwiia; ko na kauiaia ao ko na kamaiuia taenikai.”