1.Tamuera 23:3 - Te B'aib'ara

³ Ma a taku ana rorobuaka nakoina, “Ti a bon maakuia naba kaain Biritia mai ikai, ao e na bon rangi ni korakora riki makura ngkana tia nako riki ni buakana ana taanga ni buaka Biritia i Keira!”

1.Tamuera 23:3 ပူးပေါင်းရင်းမြစ်များ

Taian Areru 11:1

I onimakina te UEA i bukini kamanoau; kam rangi ni baba ngkae kam kaangai nako iu, “Kiba nako n ai aron te mannikiba nako aoni maunga,

Ieremia 12:5

Ieremia, ngkana ko a kua ni kabo birim'aaka ma aomata, ao ko nang kangaa riki ni kabo birim'aaka ma taian aoti? Ngkana ko b'aka i nanon taabo aika a katawanang, ao tera ngkanne te b'ai ae e na riki nakon te buakonikai are i mataniwiin te Karaanga are te Ioretan?

1.Tamuera 23:15

E ataia Tawita ae e ukoukoraki ngkai iroun Tauro b'a e na tiringnga. E mena Tawita i Oreti n te rereua are i rarikin Tiba.

1.Tamuera 23:2

Ma ngaia are, e titirakina te UEA ni kaangai, “E riai b'a N na nako ke N na aki nako ni buakaniia kaain Biritia?” Ao E kaeka te UEA ni kaangai, “Eng, ko na nako ni buaka ni kamaiua Keira.”

1.Tamuera 23:23

Kakaaea raoi te tabo are e boni karabaa iai, ao kakoauaa raoi b'a kam na kaongoai raoi rongorongona ni kabane. Ao i mwiina, N na iringkami, ao ngkana e bon mena n te aono anne, N na kam'anea, e aoria ngkana N na kakaaea ni kabutaa aon aban Iuta ni kabane.”

1.Tamuera 23:26

Ao a mena Tauro ma ana rorobuaka n iteran te tabuki are teuana, ao Tawita ma ana rorobuaka n iterana are teuana. A kawaekoaia ni biri nako mairoun Tauro Tawita ma ana rorobuaka, ake a bon rangi ni kaan i rarikiia ao a kaan reke irouia.

1.Tamuera 23:4

Ma ngaia are, e a manga titirakina riki te UEA, ao E taku te UEA nakoina, “Ko na nako ni buakaniia kaain Biritia i Keira, b'a N na anganingkami te tokanikai i aoia kaain Biritia.”