1.Tamuera 23:27 - Te B'aib'ara

²⁷ Ao e a ti roko naba te tia uarongorongo ao e taku, “Kam na kawaekoaingkami n oki! A buakana abara kaain Biritia!”

1.Tamuera 23:27 ပူးပေါင်းရင်းမြစ်များ

Karikani B'aai 22:14

Ao e arana te tabo arei Aberaam b'a “E karekea te UEA.” Ao a kaangai aomata ni boong aikai, “E na karekeaki i aon ana Maunga te UEA.”

2.Uea 19:9

Ni bon te tai naba ae ai aron arei, ao e a ataia uean Aturia ae e nang roko Tikeraka are uean Itiobia ni buakanna. Ai ngaia are, e a kanakoa ana tia uarongorongo ma ana taeka nakon Etekia:

1.Rongorongo 14:13

Tabeua te tai i mwiina, ao a oki kaain Biritia ni katei auti n rianna n te M'arua are Rebaim.

Taian Areru 116:3

I otab'aniniaki ni kabuanib'ai aika N na mate iai; E taonai kakamakun te mate; e korakora maku ma nakon nanou.

Te Tua-Kaua 32:36

E na ti kona n nanoangaia te UEA ma n anganiia te motikitaeka ae eti ngkana ai ti tabeman ana Aomata, ao akea korakoraia ao a riki tabeman mai buakoia b'a buure, ao E a tib'a nanoangaia te UEA ao E a anganiia te motikitaeka ae eti.

Te Kaotioti 12:16

Ao aontano e buoka neierei: e kaurea wina aontano ao e oonga te karaanga are e katinakoa te rakon mai wina.

1.Tamuera 23:26

Ao a mena Tauro ma ana rorobuaka n iteran te tabuki are teuana, ao Tawita ma ana rorobuaka n iterana are teuana. A kawaekoaia ni biri nako mairoun Tauro Tawita ma ana rorobuaka, ake a bon rangi ni kaan i rarikiia ao a kaan reke irouia.

1.Tamuera 23:28

Ma ngaia are, e katoka kaean Tawita Tauro, ao e a oki ni buakaniia kaain Biritia. Ao anne bukina ngkai e aranaki te tabo arei b'a Te Tabuki ni Kaokoro.

1.Tamuera 27:10

are e na manga titirakiniia ni kaangai, “Kam kurib'ai ia n te tai aei?” Ao e na tuangnga Tawita b'a a nako m'akoron Iuta maiaki ke nakon aban te kaainga are Ierameera ke te aba are e maeka iai kanoan Kenaite.