1.Tamuera 23:23 - Te B'aib'ara

²³ Kakaaea raoi te tabo are e boni karabaa iai, ao kakoauaa raoi b'a kam na kaongoai raoi rongorongona ni kabane. Ao i mwiina, N na iringkami, ao ngkana e bon mena n te aono anne, N na kam'anea, e aoria ngkana N na kakaaea ni kabutaa aon aban Iuta ni kabane.”

1.Tamuera 23:23 ပူးပေါင်းရင်းမြစ်များ

1.Uea 18:10

I tuea nakoim n aran te UEA ae maiu ae Atuam b'a e a tia te uea ni kakaaeko n taabo nako. E kanakoia aomata b'a a na tarataraiko n aaba nako, ao ngke a bon aki roko n te kuneko ao e tuangiia taani kairiiri ni kabane n aaba nako b'a a na tuea ae bon akea ngkoe i abaia.

2.Uea 6:13

Ao e kanakoa ana taeka te uea ae e kaangai, “Kakaaea b'a e mena ia, b'a N na kanakoia tautia b'a a na kairiia n nakomai.” Ao a ataia b'a e mena Eritai n te kaawa are Totan ao a tuanga te uea.

Taian Areru 10:8

E karabaa n taabo ni karan; b'a e na oroia ma ni kamateia akana akea aia bure.

Taeka n Rabakau 1:16

A rangi ni waekoakoa nakon karaoan te bure, ni karokoa naba bon te tiritiri.

Mika 5:2

E kangai te UEA nakon te kaawa ae Betereem Eberata, “Bon te kaawa naba ngkoe teuana ae ko uarereke i buakon kaawan Iuta, ma N na kaotinakoa te Tia Tautaekana Iteraera mai iroum, ae te aomata ae iai reitakina ma ake a kakannato ake ngkoa.”

Warekaia Iteraera 10:36

Ao ngkana a manga motirawa ma ni katei aia auti n rianna, ao e a manga tataro Moote ni kaangai, “Ko na aki kararoako mai rarikiia Am aomata aika nga ma nga.”

Mareko 14:1

Ai uoua te bong ngkai i m'ain tain te Toa are te Riao ao te Berena are aki Karikaki. A ukoukora aroni kam'anean Iesu ibonga ake a kakannato ma taani koroboki, b'a a na taua ni kamatea.

1.Tamuera 23:22

Ma ngaia ae, kam na nako, ao manga kakoauaa raoi riki; kakaea riki b'a e mena ia ao antai ae e a tia n nooria ikekei. I ongo b'a e rangi n rabakau ni kam'aningaa te aba.

1.Tamuera 23:24

Ma ngaia are, a nako n okira Tiba n rimoan Tauro. Ao a mena Tawita n rereuan Maon, n te m'arua ae e okoro ni m'akoron te rereua are Iuta i maiaki.

1.Tamuera 24:11

Taraia tamau, noora rabin am kunnikai aei ae I taua aei! I a tia ni konaa n tiringko, ma I aki b'a I ti korea kunnikaim aei. E na teretere iroum ngkanne b'a bon akea au iango ni kakaaitarako ke ni kan tiringko. Ko kakaaeai b'a ko na tiringai, e ngae ngke bon akea te b'ai ae I a tia ni karaoia ae e buakaka.