1.Tamuera 23:2 - Te B'aib'ara

² Ma ngaia are, e titirakina te UEA ni kaangai, “E riai b'a N na nako ke N na aki nako ni buakaniia kaain Biritia?” Ao E kaeka te UEA ni kaangai, “Eng, ko na nako ni buaka ni kamaiua Keira.”

1.Tamuera 23:2 ပူးပေါင်းရင်းမြစ်များ

2.Tamuera 2:1

Tabeua te tai i mwiina, e titirakina te UEA Tawita ni kaangai, “E na riai b'a N na nako nakon kaawan Iuta?” Ao E kaeka te UEA ni kaangai, “Eng, Ko riai.” Ao e titiraki Tawita ni kaangai, “Ao te kaawa raa ae N na nako iai?” Ao E kaeka te UEA ni kaangai, “Naako Eberon.”

2.Tamuera 5:19

Ao e titirakina te UEA Tawita ni kaangai, “N na buakaniia kaain Biritia ke N na aki? Ko na katokanikaiai ke ko na aki? Ao E tuanga Tawita te UEA ni kaangai, “Buaka! N na katokanikaiko.”

2.Tamuera 5:23

E titirakina te UEA Tawita b'a tera ae e na karaoia, ao e kaeka te UEA ni kaangai: Ko na aki buakaniia mai mataia. Naako katobibia mai akuiia ao buakaniia mai buakon taian aroka ake marubere.

1.Rongorongo 14:10

Ao e titirakina te Atua Tawita ni kaangai, “E riai b'a n na buakania kaain Biritia ke n na aki? Ko na buokai b'a i aonga n tokanikai ke ko aki?” Ao e taku te UEA nakon Tawita, “Eng, buakaniia! N na anganiko te tokanikai.”

Taian Areru 32:8

E kaangai te UEA, N na kaota te kawai ae ko na nako iai; N na riki b'a am Tia Reirei, ao N na tarataraiko.

Ieremia 10:23

I ataia te UEA b'a ti aki tauu aron maiura ngaira aika aomata.

Warekaia Iteraera 27:21

Ma e na riai Iotua ni mwiokoa Ereata i bukin kakaaean te b'ai ae I tangiria b'a e na karaoia ngkana e na kairiia Iteraera nakon te buaka.”

Iotua 9:14

Ao a katoonga nikiran kanaia taan roko m'aanen Iteraera, b'a kanikinaean kariaiakan te bubuti i bukin te boraraoi n raoi, ma aki kakaea moa nanon te UEA i bukin te boraraoi anne

Tani Motiki-taeka 1:1

Ao i mwiin maten Iotua, ao a bubuti Iteraera nakon te Atua ni kaangai, “Antai mai buakoia ara baronga ae na buakaniia moa kaain Kanaan?”

1.Tamuera 10:22

Ao a tataro aomata ni kaangai, “Ara UEA, e mena ikai Tauro ke e aki?” Ao E taku te UEA, “Eng, ane e karaba i buakon b'aai.”

1.Tamuera 14:37

Ao Tauro, e titirakina te UEA ni kaangai, “Ti na buakaniia kaain Biritia? Ko na buokiira ni katokanikaira?” Ma E a aki kaekaia te Atua n te tai aei.

1.Tamuera 23:3

Ma a taku ana rorobuaka nakoina, “Ti a bon maakuia naba kaain Biritia mai ikai, ao e na bon rangi ni korakora riki makura ngkana tia nako riki ni buakana ana taanga ni buaka Biritia i Keira!”

1.Tamuera 23:4

Ma ngaia are, e a manga titirakina riki te UEA, ao E taku te UEA nakoina, “Ko na nako ni buakaniia kaain Biritia i Keira, b'a N na anganingkami te tokanikai i aoia kaain Biritia.”

1.Tamuera 23:6

Ao ngke e biri nako ngkoa Abiata are natin Aimereka te rorobuaka n raona Tawita i Keira, e uota nako te ebota.

1.Tamuera 30:8

Ao e titirakina te UEA Tawita ni kaangai, “N na riai n rimwiia taan kurib'ai? Ao N na kauiaia?” Ao E kaeka ni kaangai, “Naako rimwiia; ko na kauiaia ao ko na kamaiuia taenikai.”