1.Tamuera 22:7 - Te B'aib'ara

⁷ ao e taku nakoina ana aobitia, “Kakauongo, ngkami aika rorobuakan Beniamin! Kam iangoia b'a e na kona n anganingkami taian tawaana ma te nnenaroka ni kureebe Tawita ao ni karikingkami ni kabane b'a ana aobitia n ana taanga ni buaka?

1.Tamuera 22:7 ပူးပေါင်းရင်းမြစ်များ

2.Tamuera 18:1

E bwenaua ana taanga ni buaka Tawita nakon taiani m'akoro aika kaka tebubua ao kaka teuana tengaa kaaia. Ao i mwiina, e rineia ana aobitia b'a atuun taian kurubu n tatabeua nako.

2.Tamuera 20:1

Ao e mena ikekei te tia kamangao man te baronga are Beniamin. Arana bon Tieba are natin Bikiri te m'aane. E katanga te bu b'a e na botiia aomata. Ao i mwiina, e taku, “Kaain Iteraera, Ai tiaki ara Uea Tawita are natin Iete te m'aane! Ti a nako n okiri mwengara.”

1.Rongorongo 12:16

A m'ananga n te tai teuana koraki ni m'aane man te baronga are Beniamin ao Iuta nakon te nono are e mena iai Tawita.

Itaia 11:1

Kaanga te m'aanga ae e bwebwerake man te boto, ao ai aron naba temanna ae e na nako man ana utu Tawita are e na uea n te bong teuana.

Itaia 11:10

E na roko te tai are e na anga iai te kanikina nakoia aomatan te botannaomata b'a a na ikotaki. A na iri ana kaetieti, ao a na tanoata taekaia ake bon oin ana botannaomata.

1.Tamuera 18:14

Ao e buoka Tawita te UEA, ao e aki toki n totokanikai Tawita ma ana taanga ni buaka.

1.Tamuera 20:27

N te bong are i mwiina, are te bong are i mwiin te Toa ae Moan Otin Nam'akaina, e bon teimatoa naba n akea kaain ana tabo Tawita, ao e titiraki Tauro nakon Ionatan ni kaangai, “E aera ngkai e aki roko Tawita ngkoananoa ao ngkai?”

1.Tamuera 20:30

Ao e un Tauro ao e taku nakon Ionatan, “Ko katotoonga tinam ni kamangao ma n aki kakaonimaki! I ataia ngkai b'a ko mena n ana itera Tawita ao ko bon kamamaaeko ma tinam anne!

1.Tamuera 22:13

Ao e titirakinna Tauro ni kaangai, “E aera ngkai ko buoka Tawita ni kam'am'aneai? E aera ngkai ko anganna te am'arake ao te kabaang, ao ko titirakina te Atua i bukina? E a tia ni kaaitaraai ao e kaakarekea ngkai angaraoin ana tai are e na tiringai iai!”

1.Tamuera 22:9

Ao e mena ikekei Toeka i rarikiia ana aobitia Tauro, ao e taku, “I noora Tawita ngke e kawara Aimereka are natin Aituba te rorobuaka i Nob'a.

1.Tamuera 25:10

ni karokoa e anga ana kabanea ni kaeka Nab'ara ae e kaangai, “Tawita? Antai te aomata anne? I tuai man ongongo arana mai m'aaina! A kaona aon te aba tooro aika a biri nako ni boong aikai!