1.Tamuera 22:19 - Te B'aib'ara

¹⁹ Ma ngaia are, e weteia ni kabane kaain Nob'a, are aia kaawa ibonga, b'a a na tiringaki: rorobuaka ma aine, naati ma ataei, taian kao, taian aati, ao taian tiibu. A tiringaki ni kabane.

1.Tamuera 22:19 ပူးပေါင်းရင်းမြစ်များ

Neemia 11:32

Anatota, Nobi, Anania,

Itaia 10:32

A na kaemb'a n te bong aei kairiribai i Nobi ao a ioioi aia timoi n oro nakon te Maunga are Tion i nanon Ierutarem.

Otea 10:14

Ma ngaia are, e na roko te buaka, ao a na uruakaki ami nono nako. Ao ami kairiribai a na karaoa nakoim te b'ai are e karaoia Tiareman nakoia kaain Beta-Arebera a na oreaki ma te b'aa tiina ma natiia ni karokoa mateia.

Mataio 21:16

ao a taku nako Ina, “Ko ongo b'a tera ae a taekinna?” E taku Iesu nako ia, “Eng! Kam tuai ni wareka te taeka are kangai? Ko a tia ni kataneiaia ataei aika uarereke ma merimeri b'a a na neboiko n te aro ae rangi n nako raoi.”

Iakobo 2:13

B'a ane aki nanoangaea te aba, ao e na motikaki taekana n aki nanoangaki; ma e totokanikai te nanoanga n te motiki-taeka.

Iotua 6:17

A na bane ni kamaunaaki b'aina ni kabane aika i nanona, b'a taian karea nakon te UEA, ma bon ti te kabekaau are nei Raaba ae e na kamaiuaki ma kaain ana auti ni kabane i bukina ngke e karabaia ara taan tutuo ni karaba.

Iotua 6:21

A tiringiia kaain te kaawa ni kabane, aika m'aane ma aine, ao ataei ma kaara. A tiringiia naba maan ni kabane, aika kaao, tiibu ma taian aati n aia kabaang.

1.Tamuera 15:3

“Naako buakaniia kaain Amareka! Kamaunaia ma aia b'ai ni kabane. Kam na bon aki nanoangaia naba teutana. Tiringiia m'aane, aine, ataei, n reitaki naba ma ake a uarereke. Tiringiia naba aia kao, aia tiibu, aia kamero, ao aia aati.”

1.Tamuera 15:8

Ao a bane n tiringaki kaain Amareka, ao ti nikirana te uea are Akaaka.

1.Tamuera 15:9

Ao Tauro ma ana taanga ni buaka a kamaiua Akaaka, ao kamaiuia naba taian tiibu ma taiani kao aika rangi n raoiroi. A bon aki kan kamaunai b'aai aika manena, ma ngaia are, a tiringi naba maan aika akea bonganaia, ao aika mamaara.

1.Tamuera 21:1

Ao e nako Tawita nakon Aimereka are te ibonga i Nob'a. Ao e otinako Aimereka ni kawara Tawita ma te ruru ni maaku ao e titiraki ni kaangai, “E aera ngkai ko nako mai ma ti rab'atam?”

1.Tamuera 22:11

Ma ngaia are, e kanaanako wetean te ibonga are Aimereka te uea are Tauro, n reitaki ma ana koraki ni kabane, b'a taian ibonga ngaiia i Nob'a, ao a roko i rouna.

1.Tamuera 22:9

Ao e mena ikekei Toeka i rarikiia ana aobitia Tauro, ao e taku, “I noora Tawita ngke e kawara Aimereka are natin Aituba te rorobuaka i Nob'a.