1.Tamuera 22:17 - Te B'aib'ara

¹⁷ Ao i mwiina, e taku nakoia ana taan tararuaia ake a teitei i rarikina, “Tiringa ana ibonga te UEA! E iango ni kam'ane ma Tawita ao e aki tuangai ae e biri nako, e ngae ngke e a bon tia n ataia mai m'aaina.” Ma a rawa taan tararuaa te uea n tiringa ana ibonga te UEA.

1.Tamuera 22:17 ပူးပေါင်းရင်းမြစ်များ

2.Tamuera 15:1

Tabeua te tai i mwiina, e karekea ana kanibuaka Abetarom ao te aoti are e na katikitikia, ao e karekeia nimangaun te m'aane aika a biribiri i moana.

1.Uea 1:5

Natin Tawita te m'aane ma Nei Akita bon Atoniia. Boni karimwiin Abetarom, ao e rangi ni botonim'aane. Ao n te bongi teuana, ao e taetae ni karietata Atoniia ao e taku, “N na riki b'a te uea.”

1.Uea 14:27

Ao e onei mwin otanga koora Roboam n taian otanga aika buraonti, ao e tuangiia taan tararuaa mataroan b'a a na tararuai raoi taian otanga ake buraonti.

1.Uea 18:4

Bon Ob'aria are e karabaia 100 Ana burabeti te UEA n taian nangananga ni b'a ake uoua ao e kakarekei kanaia ma nimaia ngke e kataia Nei Ietebera n tiringiia. Ao e kanaanako wetean Ob'aria te uea are Aaba

2.Uea 10:25

Ao ngke e a tib'a bane ana angakarea Ieu, ao e a tuangiia taan tei ao tautia ni kaangai, “Mai tiringiia, Tai kabiri nakoa temanna.” A tiringiia ni kabane kaain te bootaki arei, ao a tewenakoi rab'ataia i tinaniku, ao i mwiina, a manga rin nako n te tembora,

Te Otinako 1:17

Ma bon aomata aika mamaaka te Atua taani kabung akekei, ma ngaia are, a aki ira nanon te uea, ao a boni kamaiuia naba ataei aika mm'aane.

M'akuri 4:19

Ma e kaekaia Betero ma Ioane ni kaangai, “Kam na karekei ami iango b'a e nga ae e raoiroi riki i matan te Atua: iran nanomi ke iran nanon te Atua;

1.Tamuera 14:45

Ao a takaarua tautia ni kaangai, “E na aki mate. E a tia te Atua ni buoka Ionatan n tokanikai n te buaka i bukira. Ti bon aki kukurei b'a ko na tiringnga. Ti tuea nakon te Atua b'a ti aki kariaia b'a ko na tiringnga ke ni katoka baim i aona!” Ma ngaia are, a kaawakina Ionatan te taanga n tautia b'a e na aki tiringaki iroun Tauro.

1.Tamuera 2:31

E na roko te tai are N na tiringingkami iai ma kaain ami utu ni kabane. Bon akea temanna maibuakomi ae na maiu ni karokoa karana.

1.Tamuera 20:33

Ao e rangi n un Tauro n te taeka arei, ao e karea Ionatan n te kainiwai b'a e na tiringnga, ao e a ataia Ionatan b'a e bon iangoa tiringan Tawita tamana are Tauro.

1.Tamuera 22:13

Ao e titirakinna Tauro ni kaangai, “E aera ngkai ko buoka Tawita ni kam'am'aneai? E aera ngkai ko anganna te am'arake ao te kabaang, ao ko titirakina te Atua i bukina? E a tia ni kaaitaraai ao e kaakarekea ngkai angaraoin ana tai are e na tiringai iai!”

1.Tamuera 22:16

Ao e taku te uea, Aimereka, ko riai n tiringaki ma am utu ni kabane.”

1.Tamuera 25:17

Taiaoka ma kareerekea riki am iango iai ao karekea am iango b'a tera ae ko na karaoia nako iai. E konaa n riki te b'ai aei b'a rokon te kangaanga nakon ana toka ao kaain ana utu ni kabane. Bon te aomata ngaia ae e raarawa n tuangaki arona, ao bon akea ae e konaa n ongo i rouna!”

1.Tamuera 8:11

Ngkana e reke ami uea, ao aio arona ae na karaoia nako imi. Ane na imanonoia natimi m'aane b'a a na kaaina te taanga ni buaka. Ao ane a na toka i aon taiani kanibuaka ake a katikitikaki irouia aoti, ao tabeman ane a na kaaina te taanga ni buaka ake a buaka i aoia taian aoti, ao tabeman a na biribiri i m'aain taiani kanibuaka ake a katikitikaki i rouia aoti.