1.Tamuera 21:5 - Te B'aib'ara

⁵ Ao e taku Tawita, “A bon tuai ni karaoa anne. A bon kakaitiakiia au rorobuaka ni kaineti ma aron te taromauri, e ngae ngkana ti aki m'ananga i bukin te aro; ao ai kaakawakira riki m'anangara aei ngkai bon te m'ananga mairoun te uea!”

1.Tamuera 21:5 ပူးပေါင်းရင်းမြစ်များ

Te Otinako 19:14

Ao i mwiina, e ruorikaaki ma n tuangiia aomata b'a a na ikotaki ni katauraoia nakon te taromauri. Ma ngaia are, a uati aia kunnikai.

Te Otinako 19:15

Ao e taku Moote nako ia, “Kam na riai n tauraoi nakon te bong are i mwiin te ingabong, ao kam na aki bootaki ma buumi.”

Te Otinako 25:30

E na riai ni kaawakinaki te taibora i nanon te tabo are e rangi n tabu, ao a na katokaaki naba i aona taian kariki.

Nakoaia Ibonga 24:9

Te kariki aei n taai nako bon ana kariki Aaron ma ana utu; e bon rangi n tabu i bukina b'a e kareanaki nako Iu, ao e riai ni kanaki n te tabo are moan te tabu.

Nakoaia Ibonga 8:26

Ao e a manga anaa kaka teuana taian kariki ake tenaekaki mai i nanon te b'aene ni kariki are e a tia ni katabuaki nakon te UEA; e anaa teuana man te kariki are e renganaki ma te b'a, ao teuana man te kariki are e manii, ao e katikui i aon te nenea, ao waen te man are te angaatai are mai buki.

M'akuri 9:15

Ma E taku te UEA nakoina, “Ko na nako, b'a I a tia n rinea teuarei b'a e na m'akuri i buku: b'a e na tataekina arau ni kaotiotai nakoia aomata aika tuai n onimakina te Atua, ao nakoia uea ma te botannaomata ae Iteraera.

1.I-Korinto 7:5

Akea ae na rawa i roumi ni wene n taanga, ma ti ngkana kam a tia ni boraraoi b'a kam na aki karaoia moa i nanon taina are kam baireia, b'a kam aonga ni kabongana ami tai anne n tatataro iai; ma i mwin anne ao kam bon riai ni manga okiri aromi n reitaki b'a taanga ngkami, b'a kam kawa ni kaririaki iroun Tatan ngkai kam babanga n taotaon nanomi.

1.Betero 3:17

B'a e raoiroi riki marakimi i bukini karaoan ae e raoiroi, ngkana anne nanon te Atua, nakoni marakimi i bukini karaoan ae buakaka.