1.Tamuera 20:5 - Te B'aib'ara

⁵ Ao e kaeka Tawita ni kaangai, “Bon tain te Toa ae Moan Otin Nam'akaina nakon te ingabong, ao N na bae n am'arake ma te uea. Ma ngkana arona b'a akea am kangaanga iai, ao N na nako ni karabaai n te katawanang ni karokoa tairikin te bong are i mwiin te ingabong.

1.Tamuera 20:5 ပူးပေါင်းရင်းမြစ်များ

2.Uea 4:23

Ao e taku teuare buuna, E aera ngkai ko na kawaria n te bong aei, ao kai tiaki ngkai te Taabati ke te Toa ae Moan Otin Nam'akaina.

Taian Areru 55:12

Ngke tao aiau ae b'ainingareai, ao I kona n taotaona nanou; Ao ngke tao te tia ribaai ae kamoamoaa nako iu, ao I kona ni karabaai mai rouna.

Taian Areru 81:3

Katanga te bu i bukin te bootaki ae ab'ab'aki are te Toa ae Moan Otin Nam'akaina ao ngkana e a tanimainiku.

Taeka n Rabakau 22:3

Ngkana kam noora te kangaanga ae e roko ao tai nanobaba ni m'ananga ni kainetia kaiangoraoiko ao karabako mai iai.

Amota 8:5

Kam kaangai i nanomi, “E na b'ara n ningai te bootaki ae kakannato aei b'a ti aonga ni manga kabooi ara uita. E na toki n ningai te Taabati, b'a ti aonga ni manga kaboonako ara b'ai ni boob'ai? Ao ngkanne ti na kaboobuakai ma ni babakanikawaia aomata n ara b'ai n tau rawawata aika a kewe.

Warekaia Iteraera 10:10

Kam na katanga naba te bu ngkana kam anga karea n tain te Toa ae Moan Otin Nam'akaina ao taian toa riki ake tabeua. E na riki aei b'a te b'ai ni kauring b'a bon te UEA Ngai ae Atuami.

Warekaia Iteraera 28:11

Kam na uoti nakon te baonikarea uoman kaomm'aane, ao temanna te tiibu mm'aane ae rangi n ikawai, ao itiman tiibu mm'aane aika teuana aia ririki ni maiu aika akea toabuakan rab'ataia. Kam na anga baikai b'a te karea are kakukureiau.

Ioane 8:59

Ma ngaia are, a anai atibu b'a a na karebanaia, ma E karabaa Iesu, ao E kitana te Tembora.

M'akuri 17:14

Ma ngaia are, e a kawaekoaki ngkanne ni kanakoaki B'auro irouia taan onimaki nakon te tabo are e mena tari iai; ma e tiku Tira ma Timoteo i Beroia.

I-Korote 2:16

Ma ngaia are tai kariaia temanna b'a e na baireia b'a tera ae kam na kanna ao kam na nimma, ao tai kariaia naba b'a e na tuangngkami b'a kam na kawakina bongin te toa teuana, ma te Toa ae Moan Otin Nam'akaina, ma Taabati.

1.Tamuera 19:2

ma ngaia are, e taku nako ina, “E iangoa tiringakim ngkai tamau. I butiiko b'a ko na kakaawakiniko raoi nakon te ingabong, naako nakon te tabo teuana ae ko na raba iai ao tiiku iai.

1.Tamuera 20:18

Ao e taku Ionatan nakoina, “Tain te Toa ae Moan Otin Nam'akaina ningabong, ao ko na bon ataaki ngkana ko aki roko n te am'arake.

1.Tamuera 20:19

I mwiin te ingabong e na bon mauanti riki aki rokom; ma ngaia ae, ko na nakon am tabo are ko na karabako iai n te tai are teuana, ao karabako i akuun b'ariko n atiibu ikekei.

1.Tamuera 20:24

Ma ngaia are, e karabaa Tawita i buakon taiani katawanang. Ao ngke e roko tain te Toa ae Moan Otin Nam'akaina, ao e a roko Tauro nakon te am'arake

1.Tamuera 20:27

N te bong are i mwiina, are te bong are i mwiin te Toa ae Moan Otin Nam'akaina, e bon teimatoa naba n akea kaain ana tabo Tawita, ao e titiraki Tauro nakon Ionatan ni kaangai, “E aera ngkai e aki roko Tawita ngkoananoa ao ngkai?”

1.Tamuera 20:4

Ao e taku Ionatan, “N na karaoi b'aai ni kabane akana ko taku.”

1.Tamuera 20:6

Ngkana arona b'a e ataia tamam b'a I aki roko n te am'arake, ao ko na tuangnga b'a aongkoa I buubutiiko te kariaiakaki b'a N na kawaekoaai nakon mwengau i Betereem, i bukin aia anga karea n te ririki au utu ni kabane.