1.Tamuera 20:33 - Te B'aib'ara

³³ Ao e rangi n un Tauro n te taeka arei, ao e karea Ionatan n te kainiwai b'a e na tiringnga, ao e a ataia Ionatan b'a e bon iangoa tiringan Tawita tamana are Tauro.

1.Tamuera 20:33 ပူးပေါင်းရင်းမြစ်များ

1.Uea 11:40

Ao Toromon ngke e a ataa te b'ai are E tuanga Ieroboam te UEA, e a kakaea angan tiringan Ieroboam. Ma e birinako Ieroboam nakon Titiaka are uean Aikubita, ao e a bon tiku naba ikekei ni karokoa maten Toromon.

1.Tamuera 18:11

Ao e taku Tauro, “N na ewara Tawita ni kanimm'a ma te o.” Ao e karetekea Tawita uoua te tai, ma e katuai kaina Tawita ake uoua.

1.Tamuera 19:10

E teirake naba Tauro ni karetekea Tawita b'a e na kanim'a ma te o. Ma e katuaa kaina Tawita, ao e nim ma te o te kainiwai arei. Ao e biri n otinako Tawita man te auti ma ni biri nako.

1.Tamuera 20:34

Ao e kawaekoa Ionatan n teirake man te taibora ao e aki roko n te am'arake n te bong arei; are kauabongin te Toa ae Moan Otin Nam'akaina. E rangi n nanoangaa Tawita, b'a e a tia Tauro ni kabuakaka.

1.Tamuera 20:7

Ao ngkana arona b'a e kaangai, ‘E tamaroa’ Ao e na akea te kangaanga nako iu; ma ngkana e un, ko na ataia b'a e iaiangoa tiringakiu.