1.Tamuera 20:30 - Te B'aib'ara

³⁰ Ao e un Tauro ao e taku nakon Ionatan, “Ko katotoonga tinam ni kamangao ma n aki kakaonimaki! I ataia ngkai b'a ko mena n ana itera Tawita ao ko bon kamamaaeko ma tinam anne!

1.Tamuera 20:30 ပူးပေါင်းရင်းမြစ်များ

Iobi 5:2

Te nanobaba ma te bakantang e na boni kona n tiringko iai.

Taeka n Rabakau 14:29

Bon te m'akuri ae e wanawana te taotaonaki n nano, ma bon te bangab'ai te kakaiun.

Taeka n Rabakau 15:2

A roko taeka aika a wanawana mairouia aomata aika a wanawana, ma a taekinaki taeka aika a nanobaba mairouia aika a nanobaba.

Taeka n Rabakau 19:12

E bekorara kaanga te raian te uea ane e unun, ma e riki b'a kaanga te aoi i aon taian uteute, te uea ngkana e kukurei.

Taeka n Rabakau 19:19

A aki toki n reereke n te kangaanga aomata aika nanorieta, ao a aki toki n tatangira buokaia.

Taeka n Rabakau 21:24

Ngkana kam kainikatonga ao kam kamoamoa, ao ane a na atongko aomata ni kaangai, “Te kakan rietaata!”

Taeka n Rabakau 25:28

Te aki taotaonaki n nano e na katikuko ma te aki konab'ai kaanga te kaawa ae e buubura ae akea oona.

Taeka n Rabakau 27:3

A rawaawata atiibu ma taian tano, ma e rawaawata riki te uota n te kangaanga ae e karikia te nanobaba.

Mataio 5:22

ao Ngai I taku nako imi, b'a ane un nakon tarina, ao e na kateaki n te kabowi b'a e na baireaki taekana; ao ane kangai nakon tarina, Akea warem; ao e na tei i matan te Tanirim b'a e na baireaki taekana iai; ao ane atonga tarina b'a akea uaana ao e na motikaki taekana b'a e na teweaki nako n te ai are i moone.

I-Ebeto 4:31

Kam na kaaki aromi ni maraki n nano, ma n unun, ma n riribai, ma n tatakarua ni b'aana n un, ma n taetae n iowawa, ma aromi ni kabane aika buakaka.

I-Ebeto 6:4

Ao ngkami taama, tai kauniia natimi: ma kam na tongaiia ma ni kairiia i aan te reireiaki ma te tuatuangaki aroia aika riai n ai aron nanon te UEA.

1.Tamuera 20:29

E taku, “Taiaoka b'a ko na kanakoai, b'a a karaoa aia baka n angakarea n te kaawa, ao e tuangai tariu b'a N na nako ikekei. ‘Ma ngaia ae, ngkana raoraou ngkoe, ko na kariaia nakou n nooriia au koraki. Anne bukina ngkai e aki roko ngkai.’ ”

1.Tamuera 20:31

Ko aki ataia b'a e na uea Tawita ngkana e maiu, ao ko na bon aki uea n te aba aei? Ko na nako ngkai ni kairiia mai, E na riai n tiringaki!”