1.Tamuera 20:3 - Te B'aib'ara

³ Ao e kaeka Tawita ni kaangai, “E ataa tangirakiu iroum tamam, ao e aki tangiria ni kaongoko te b'ai ae e iangoia, b'a ko kaawa n rangi n nanokawaki iai. I tuea nakoim n aran te UEA ae e maiu, b'a I kaan roaroa ma te mate!”

1.Tamuera 20:3 ပူးပေါင်းရင်းမြစ်များ

2.Tamuera 15:21

Ao e kaeka Itai ni kaangai, “Te Uea ae ko karineaki, I tuea n aran te UEA ae e maiu, b'a N iriko n taabo nako ike ko nako iai, e ngae ngkana tao tera ae e na riki nako iu iai.

2.Uea 2:2

Ao e taku Eria nakon Eritai, E tangirai te UEA b'a N na nako Betaera, ma ko riai n tiku ngkoe ikai. Ao e taku Eritai, I tuea n aran te UEA ae E maiu, ao i matam b'a N na bon aki kikitaniko, e aoria ngkana tao tera ae e na riki. Ma ngaia are, e a airi ma Eria nako Betaera.

2.Uea 2:4

Ao e taku Eria, “Eritai, e tangirai ngkai te UEA b'a N na nako Ieriko, ma ko na tiku ngkoe ikai.” Ao e kaeka Eritai ao e taku, “I tuea n aran te UEA ae E maiu, ao i matam b'a N na bon aki kiitaniko, e aoria ngkana tera ae e na riki.” Ma ngaia are, airi ma Eria nako Ieriko.

2.Uea 2:6

E taku Eria nakon Eritai, E tangirai ngkai te UEA b'a N na nakon te Karaanga are te Ioretan, ma ko na tiku ngkoe ikai. Ao e taku Eritai, I tuea n aran te UEA ae E maiu, ao i matam b'a N na bon aki kiitaniko. Ma ngaia are, a manga uaia n reitaanako kawaia.

Taian Areru 116:3

I otab'aniniaki ni kabuanib'ai aika N na mate iai; E taonai kakamakun te mate; e korakora maku ma nakon nanou.

Ieremia 38:16

Ao e taku, I tuea n aran te UEA ae E maiu ae te Tia karikib'ai b'a I aki tangiria b'a ko na tiringaki. Bon akea temanna ae e konaa n ongo te b'ai ae ti taekinna, ao akea temanna ae I tuangnga b'a e na tiringko.”

Ieremia 4:2

Kam na karaoa te berita ti n arau, ao karaoa nanon are kam berita iai! Ao ane a na bane iai botannaomata n neboai, ao N na kakab'aiaia.

Te Tua-Kaua 28:66

Ao kam na maiu ma maakakin te mate ae e korakora iroumi.

Te Tua-Kaua 6:13

Taromauriia, ao ongotaeka iroun te UEA ae Atuami ma te maaku ao te ruru, ao berita b'a kam na kakaonimaki nakoina.

Ebera 6:16

B'a ngkana a taetae n tuea aomata ao a kabonganai araia ake a kakannato riki nako ia; b'a te taeka ni berita boni ngaia ae katoki kauntaeka ni bane.

1.Tamuera 1:26

Ao e taku Nei Anna, “Teuae ko karineaki, Ko kinaai? Boni ngai te aine ae I tei ikai tabeua te ririki n nako ao I bubutiia te UEA

1.Tamuera 17:55

Ao i mwiin nooran Tawita iroun Tauro ngke e nako n un ma Koria, ao e rairaki Tauro nakon ana kam'anta n ana taanga ni buaka, ao e taku, “Abenera, antai te ataeinim'aane arei?” Ao e taku Abenera, “Te uea ae ko karineaki, I bon berita b'a I tuai kinaa.”

1.Tamuera 20:2

Ao e kaeka Ionatan ni kaangai, “E na bon aki kariaia te Atua b'a ko na mate! E bon tuutuangai tamau b'aai ni kabane aika kakaawaki aika e na karaoi ke e na aki, ao e na riai n aki karabaa mairou. I aki kakoaua b'a e na karaoa aei!”

1.Tamuera 20:4

Ao e taku Ionatan, “N na karaoi b'aai ni kabane akana ko taku.”

1.Tamuera 25:26

Bon te UEA ae e tautauko b'a ko na aki tiringa am kairiribai. Ao I tuea ngkai n aran te UEA ae E maiu b'a a na aki konaa n tiringko am kairiribai ma aomata ni kabane akana a tangiria ni kan tiringko ao ana katuaaeaki kaanga Nab'ara.

1.Tamuera 27:1

E taku Tawita i bon i rouna, “E na bae n tiringai Tauro i nanoni boong aikai. E raoiroi riki irou ngkana I biri nako Biritia. Ane e na kakaaeai Tauro i aon Iteraera ao N na bon maiu iai mai rouna.”