1.Tamuera 20:21 - Te B'aib'ara

²¹ Ao i mwiina, N na tuanga au toro b'a e na nako ni kakaaea taiani kanoanikatebe i rarikim; b'a e na anai, ao ngkana I kaangai nakoina, “Nooria, a mena taiani kanoanikatebe i rarikim; anai,” ao e nanonaki iai b'a ko konaa n oti nako b'a akea te kangaanga. I tuea n iroun te UEA ae e maiu b'a e na bon akea te kangaanga.

1.Tamuera 20:21 ပူးပေါင်းရင်းမြစ်များ

Ieremia 12:16

A reireiniia au aomata ngkoa aron taromaurian B'aara. Ma ngkana a kakoaua b'a bon te Atua ni koaua Ngai, ao ngkana a kariaia au aomata b'a a na reireinaki irouia aron taromauriau, ao a na manga riki botannaomata aikai b'a Au aomata.

Ieremia 4:2

Kam na karaoa te berita ti n arau, ao karaoa nanon are kam berita iai! Ao ane a na bane iai botannaomata n neboai, ao N na kakab'aiaia.

Ieremia 5:2

A bane aomata ni kabane n urua aia berita aika a karaoi n Arau.”

Amota 8:14

Kam na bane ni b'aka n aki manga teirake, ngkami ake kam berita n araia antin Tamaria, ake Taan, ao Beera-teba.

1.Tamuera 20:20

N na katebenakoa kanoan te kainikatebe tenua te tai nako iai, kaanga aongkoa au taakete.

1.Tamuera 20:22

Ma I kaangai nakoina, “Akana a mena taian kanoanikatebe maikekei riki,” ao ko na iangoa nakom, b'a E kanakoko te UEA.

1.Tamuera 20:36

ao e taku nakoina, “Ko na biri ni kakaai taian kanoanikatebe aika N na katebenakoi.” Ao e biri te ataeinim'aane arei, ao e katebenakoa te kanoanikatebe Ionatan i aona.