1.Tamuera 20:2 - Te B'aib'ara

² Ao e kaeka Ionatan ni kaangai, “E na bon aki kariaia te Atua b'a ko na mate! E bon tuutuangai tamau b'aai ni kabane aika kakaawaki aika e na karaoi ke e na aki, ao e na riai n aki karabaa mairou. I aki kakoaua b'a e na karaoa aei!”

1.Tamuera 20:2 ပူးပေါင်းရင်းမြစ်များ

Karikani B'aai 44:7

Ao a taku, “Nao, tera ae ko nanonna ngkai ko taetae n aron anne? Ti boni berita b'a bon akea te b'ai ae ti a tia ni karaoia n aron anne.

Taian Areru 40:6

Ko aki tangiri karea ma angakarea; Ko aki tua maan aika ana kabuokaki ni kab'aninaki i aon te baonikarea ke karea i bukin kab'araan buure; Ma Ko anganai te kona n ongo am Taeka, ao n ongeaba nako iai,

Taeka n Rabakau 29:24

Ngkana ko kariniko n te bure teuana ao ko a riki b'a te kairiribai ae e rangi ni buakaka, i bukina b'a ko aki konaa n taekina te kewe ngkana ko a tia ni berita.

Itaia 50:5

E karaoai b'a N na kakauongo ma n aki mangao ke ni biri nako.

Ruka 20:16

“Ane e na roko ni kamateia taan ribana akekei, ao ane e na anga nneni kureebe nakoia aomata tabem'aang.” Ngke a ongo aei aomata, ao a taku, “E na aki riki aei!”

Ioane 15:15

I aki manga atongngkami b'a tooro, b'a te toro e aki ata ane e karaoia ana uea; ma I atongngkami b'a raao, i bukina b'a I a tia n tuangngkami b'aai ni kabane ake I ongo iroun Tamau.

Ioane 17:8

b'a I a tia n tuangiia taeka ni kabane ake Ko tuangai, ao a kaaki i nanoia, ao a ataia b'a ngaia e koaua ae I nako mai mai Roum; ao a kakoaua ae Ko kanakomaiai.

Iotua 22:29

Ti bon aki konaa n tannako mai roun te UEA ni manga katea te baonikarea teuana ae kaanga ai aron te baonikarea i bukin te angakarea ke te angab'ai. Ti bon aki kona ni karaoa riki teuana i rarikin Ana baonikarea te UEA ae Atuara are i matan um'ana are tabu.

Iotua 24:16

Ao a kaeka aomata ni kaangai, “Ti na bon aki kona ni kiitana te UEA ni manga onimakiniia anti tabem'aang!

1.Tamuera 14:45

Ao a takaarua tautia ni kaangai, “E na aki mate. E a tia te Atua ni buoka Ionatan n tokanikai n te buaka i bukira. Ti bon aki kukurei b'a ko na tiringnga. Ti tuea nakon te Atua b'a ti aki kariaia b'a ko na tiringnga ke ni katoka baim i aona!” Ma ngaia are, a kaawakina Ionatan te taanga n tautia b'a e na aki tiringaki iroun Tauro.

1.Tamuera 20:1

Ao e biri nako Tawita mai Naiota i Ram'a ao e nakon Ionatan ao e taku, “Tera ae I a tia ni karaoia? Tera au bure ae I a tia ni karaoia? Tera te kaairua ae I a tia ni karaoia nakon tamam n te aro ae e nang tiringai iai?”

1.Tamuera 20:12

ao e taku Ionatan nakon Tawita, “E na riki te UEA ae te Atua b'a ara tia kakoaua! Nakon te ingabong n taina naba aei, N na titirakina tamau ana iango i bukim. Ngkana arona b'a e tamaroa, n na kanakoa te taeka nakoim.

1.Tamuera 20:3

Ao e kaeka Tawita ni kaangai, “E ataa tangirakiu iroum tamam, ao e aki tangiria ni kaongoko te b'ai ae e iangoia, b'a ko kaawa n rangi n nanokawaki iai. I tuea nakoim n aran te UEA ae e maiu, b'a I kaan roaroa ma te mate!”

1.Tamuera 9:15

Ao E a tia n tuanga Tamuera te UEA n te bong are i m'aain rokon Tauro ni kaangai,