1.Tamuera 2:7 - Te B'aib'ara

⁷ Ara UEA boni Ngkoe ae Ko karikiira b'a kaub'ai ke taiani kainano. Ko kamenakiia tabeman ni m'akuri aika rietaata ao Ko kab'akaia tekorakina.

1.Tamuera 2:7 ပူးပေါင်းရင်းမြစ်များ

2.Uea 9:6

Ma ngaia are, e teirake Ieu ao e rin nako. Ao e kab'aroa b'aan te oriwa te burabeti are i aon atuun Ieu ao e taetae nako ina ni kaangai: Aio ana rongorongo te UEA ae Atuan Iteraera nakoim, “Bon te UEA Ngai, ao I a tia n rineiko b'a aia uea au Aomata aika Iteraera.

1.Rongorongo 29:12

ao ko tautaeka ma te m'aaka ao e tanoata taekam.

2.Rongorongo 32:27

Ao e a rangi ni kaub'ai Etekia, ao a bane ni karinea aomata. E karaoi taian ru aika a kaokoro i bukin taian tirewa, koora, ao atiibu aika a tamaroa ao taiani b'ai ni kaboiarara, taian otanga, ao b'aai riki ake tabeua aika a kakaawaki.

2.Rongorongo 32:29

E karika Etekia te UEA b'a e na rangi ni kaub'ai, ma ngaia are, e a manga karekei riki ana tiibu, kooti, ao ana nanai ni kao. Ao e katei naba taiani kaawa ike a na konaa ni kawakinaki iai taiani man aikai.

Iobi 1:21

Ao e taku, “I bungiaki ngkoa n akea au b'ai; ao N na manga mate naba ma akea au b'ai. E anganai au b'ai te UEA, ao ngkai E a manga anai. Ke E neboaki arana!”

Iobi 40:12

Eng, taraia, ao uotia rikaaki, kamanatuaia aomata aika buakaka n te tabo are a mena iai.

Iobi 5:11

Eng, bon te Atua ae kateirakea te aomata ae nanorinano, ao E kakukureia aika tangi ni wenei ni kabane.

Taian Areru 102:10

I bukini bonon nanom ma unim; ao Ko tabekai ni karenakoai.

Taian Areru 75:7

Bon te Atua ae motikitaeka, ni kabuakakaia tem'angina ao ni karaoiroia tabem'aang.

Taian Areru 75:8

E taua te m'angko i baina te UEA, ae e onrake n te wain ae matoatoa are bon unna. E kab'aroa, ao a moi iai aomata aika buakaka ni kabane; A nimma ni karokoa te kabanea n timtim.

Taeka n Rabakau 22:2

A kaai ni karikaki iroun te UEA te kaub'ai ma te kainano.

Itaia 2:12

E a tia te UEA ae Moan te M'aaka n rinea te bong are a na b'aka iai aomata ake a kamoamoa ao a kainikatonga.

Ieremia 49:15

E na rangi ni uarereke ami botannaomata, ao e na bon ribaaki irouia botannaomata ni kabane.

Etekiera 17:24

A na bane kain te buakonikai n ataia b'a I konaa Ngai te UEA ni karuoi aroka aika a rietaata ma ni manga buokia aika a uarereke b'a a na riki rake. I kam'autereterei aroka aika a mawaawa ao ni manga kamawawai aroka aika m'auteretere. Bon aei au taeka Ngai ae te UEA, ao N na bon kakoroa bukin au taeka.

Iakobo 4:10

Kam na nanorinano i matan te Uea, ao ane E na karietataingkami.