1.Tamuera 2:6 - Te B'aib'ara

⁶ Ko anaa te maiu, ao ko anga te maiu. Ko kab'akaia aomata nako abaia maate ao Ko a manga kaokiia.

1.Tamuera 2:6 ပူးပေါင်းရင်းမြစ်များ

1.Uea 17:22

Ao e kaekaa ana tataro Eria te UEA, ao e a reke iken te ataeinim'aane arei.

2.Uea 5:7

Ngke e wareka te reta arei uean Iteraera ao e raeuai kunnikaina i bukin maakuna, ao e takaarua ni kaangai, “E boni kakoauaa ngkai uean Turia b'a I konaa ni katoka aorakin te aomata ae e reebera aei. N ana iango ngai te Atua ae iai m'aakau i aon te maiu ao te mate? E kataia ngkai ni kakaaea angan reken te buaka ma ngai.”

Iobi 5:18

E bauti taian ikoaki te Atua ake bon mwiina; E kaikoakiko baina, ao E kamaiuko naba baina.

Taian Areru 116:3

I otab'aniniaki ni kabuanib'ai aika N na mate iai; E taonai kakamakun te mate; e korakora maku ma nakon nanou.

Taian Areru 30:4

Kam na anene nakon te UEA, ngkami aika ana Aomata aika kakaonimaki; Uring baika E a tia ni karaoi, ao katituaraoia.

Taian Areru 68:20

Atuara bon te Atua ae maiu te aba i rouna; te UEA Ngaia ae te Uea, ae kamaiura man te kabuanib'ai ae ti na mate iai.

Taian Areru 71:20

Ko a tia ni karoko kaangaanga i aou ma baika I a tia ni karawaawataaki iai, Ma Ko na manga kaoka nako iu marurungiu; Ko na kawakinai man te ruanimate.

Te Minita 3:3

te tai n tiritiri ao te tai ni kakamaiu, te tai n urub'ai ao te tai ni kateib'ai,

Itaia 26:19

A na manga maiu am aomata! Tuangiia b'a a na kiitan ruanimateia ao a na kukurei ni bukamaru ma n takaarua. Ko kabooua te aonnaba kaanga aoin te ingabong; ko anga te maiu nakon te mate.

Etekiera 37:12

Ma ngaia ae ko na tuangiia ni kaangai, “I berita Ngai ae te UEA ae te Atua, b'a N na kauki taian ruanimate ma ni kainaomataingkami. N na manga kaokingkami nako Iteraera,

Etekiera 37:3

Ao E taku, “Etekiera ae natin te aomata, a na konaa ni manga maiu taian rii aikai?” Ao I kaeka, “Bon ti Ngkoe te UEA ae te Atua ae Ko konaa ni kaeka anne.”

Mataio 12:40

B'a aron Iona ngke e mena i nanoni biroton te ika ae rangi ni buubura tenibong te ngaina ao tenibong te bong, ao ai aron naba Natin te Aomata: b'a e na mena i aantano tenibong te ngaina ao tenibong te bong.

Ioane 11:25

E taku Iesu nakoina, “Boni Ngai te manga-maiu ao te maiu; ane onimakinai ao e na boni maiu, e ngae ngkana e a mate:

Te Tua-Kaua 32:39

Kam bon aki ataia? Bon ti Ngai te Atua; ao akea riki temanna; Bon Ngai ae I anaa te maiu ao I a manga kaokia. I katuaaingkami n te rawaawata. Ma N na kamaiungkami ngkai, ao bon akea ae kona ni katokai.

Te Kaotioti 1:18

Teuare Maiu Ngai; I mate ngkoa, ao noria, I a manga uti n aki toki, ao bon iai irou kingin te mate ma kingin Eriti.

1.Tamuera 20:3

Ao e kaeka Tawita ni kaangai, “E ataa tangirakiu iroum tamam, ao e aki tangiria ni kaongoko te b'ai ae e iangoia, b'a ko kaawa n rangi n nanokawaki iai. I tuea nakoim n aran te UEA ae e maiu, b'a I kaan roaroa ma te mate!”