1.Tamuera 2:36 - Te B'aib'ara

³⁶ Ma ngkana iai ae tiku mai buakoia ami utu, ao e na roko ni kawara au ibonga ma ni bubutiia te m'ane ke te m'akoro ni kariki teutana. E na kona naba ni kaangai nakon au ibonga, “I butiiko b'a ko na karikai b'a te ibonga temanna, b'a e aonga n reke naba kanau teutana.”

1.Tamuera 2:36 ပူးပေါင်းရင်းမြစ်များ

1.Uea 2:27

Ao Toromon e kabanea Abiata man te nakoa ni ibonga i bukin te UEA. Ao ikai are e a koro naba iai bukin baike E taekin te Uea i Tiro i bukin te ibonga are Eri ma kanoana.

2.Uea 23:9

A aki tau ibongan aba aikai ni m'akuri n ana Baonikarea te UEA are i nanon Ierutarem, ma a ti kariaiakaki n am'arake n te kariki are tabu, n ai aroia ibonga mai Ierutarem.

Taeka n Rabakau 14:19

E kawakawa n roko te aomata ae buakaka nakoia aomata aika a ongotaeka iroun te Atua.

Maraki 1:13

Ko a rangi ni kam'araa n te aro are ko bon anga naba taian kanikina aika a buakaka nako iu. Ao kam uoti nako iu taian karea aika maan aika a kimoaaki maan aika a m'auku ke a aoraki. I konaa ni kariaia baikai?

Tani Motiki-taeka 17:10

Ao e taku Mika, Ao ko kukurei n tiku i rarikiu? Ko na riki b'a au ibonga b'a ko na tuangai te b'ai ae tangiria te Atua b'a N na karaoia. N na anganganiko ni katoa ririki 19 m'akoro n tirewa, ao teuana te maati ni kunnikai, ao N na karerekea naba kanam. Ao e nako te aomata arei n nanakonako teutana ni karekea ana iango,

1.Tamuera 2:35

I a tia n rinea te aomata temanna b'a Au ibonga, ae te aomata ae na kakaonimaki ma n ongotaeka i Rou. N na karikiia ana utu b'a taiani ibonga ao a na buoka au uea ae rineaki.

1.Tamuera 3:1

Ao e m'akuri i bukin te UEA Tamuera ni buoka te ibonga are Eri, are e a mataki n te tai aei.