1.Tamuera 2:35 - Te B'aib'ara

³⁵ I a tia n rinea te aomata temanna b'a Au ibonga, ae te aomata ae na kakaonimaki ma n ongotaeka i Rou. N na karikiia ana utu b'a taiani ibonga ao a na buoka au uea ae rineaki.

1.Tamuera 2:35 ပူးပေါင်းရင်းမြစ်များ

2.Tamuera 7:11

ngke I kariaia taani motikitaeka b'a a na tautaekana au botannaomata. Ao I a tia n taraia ami kairiribai b'a a na aki buakaningkami. Ngkai I berita b'a ko na uea ma am kariki.

2.Tamuera 7:27

E ngae n anne, bon te UEA ae Atuan Iteraera ae Moan te M'aaka Ngkoe. Ko a tia n tuangai b'a ko na karikiia b'a uea au kariki nako, Ao bon anne ngkai I kaungaaki n tataro nakoim n aron aei, e ngae ngkai bon ti am tia m'akuri ngai.

1.Uea 1:45

Ao ngke a roko ikekei, ao e a karaoaki kaueaan Toromon iroun Tatoka, Natan ao Benaia. Ao a bane ni kukurei aomata i aon kawaia n okira Ierutarem. Bon anne bukin te karongoa are kam ongo are e nako man te kaawa.

1.Uea 1:8

Ma a rawa Tatoka are te ibonga ma teuare Benaia are natin Ieoiata, ma Naatan are te burabeti, ma Timei, ma Rei, ao taani kawakina Tawita, n tei i bukina.

1.Uea 11:38

N na buokiko ngkana ko ongotaeka irou, ao ngkana ko karaoa naba te b'ai ae I tuangko n aron are e karaoia Au tia m'akuri are Tawita. N na teimatoa ni kakauea temanna ma am utu b'a e na uea i aon Ierutarem. E na riki te botannaomata ae Iteraera b'a am b'ai.

1.Uea 2:35

Ao Toromon, e katea Benaia n onea mwiin Ioaba b'a manga te kam'anta n te bootaki n tautia, ao e kateirakea Tatoka b'a te ibonga n onea mwiin Abiata.

1.Rongorongo 29:22

Ao a rangi ni kukurei aomata, ao a am'arake ma ni mooi ikekei i rarikin ana baonikarea te UEA. N te bong naba anne, ao e a katokaaki ana baunuea Toromon ni kaueaaki. Ao a bane ni kukurei aomata ao e kab'aroaki te b'a i aon atuun Toromon ni kaotia b'a e na manga uea. Ao e kab'aroaki naba te b'a i aon atuun Tatoka ni kaotia b'a ngaia ngkai aia ibonga.

Taian Areru 18:50

E angan ana king taian tokanikai; E teimatoa n aki toki ana tangira nakon are E a tia n rineia, Are Tawita, ma ana kariki.

Taian Areru 2:2

A bootaki uean aonnaba n eekaanako te UEA ma ana King are E rineia.

Te Otinako 1:21

ma ngaia are, E karekea aia utu, ao a rikirake ni m'aiti Iteraera ma ni korakora.

Etekiera 34:23

I mwiin anne, N na karekea ami tia kaawakin tiibu man te utu are ana toro te Uea are Tawita. A na kaai n reke ami tia kaawakin tiibu ae ti temanna ngkami aika kam korakora ma aika kam mamaara, ao e na kaawakiningkami raoi.

Warekaia Iteraera 25:13

I berita b'a e teimatoa n riki b'a Au ibonga Bineati ma kanoana i bukina ngke e kaota te kakaonimaki nako Iu Bineati.”

Ebera 2:17

Ma ngaia are e riai i Rouna b'a E na riki n ai aroia tarina ni b'aai ni kabane, b'a E aonga n riki b'a aia Ibonga ae Kakannato ae nanoanga ma ni kakaonimaki ni baika reitaki ma te Atua, n anga te karea n raoi i bukin aia bure aomata.

1.Tamuera 10:10

Ao ngke e roko Tauro i Kibea, ao e kaaitibo ma koraki ni burabeti. Ao e rina n niniaki n Tamnein te Atua, ao e a moana ana taetae ni burabeti i nuukan te koraki arei.

1.Tamuera 10:9

Ao ngke e rairaki nako Tauro b'a e nang kiitana Tamuera, ao te Atua E angan Tauro te nano ae kaokoro. Ao a bane n riki b'aai n te bong naba arei n aron are a tia n taekinna Tamuera.

1.Tamuera 12:3

N nang titirakiningkami moa, I a tia n anaa ana kaom'aane te aomata temanna ke ana aati, ke ni imanonoingkami b'a kam na anganai te b'ai teuana? I a tia ni kaikoaka te aomata temanna ke ni karaoa te kamaraato i bukin karaoan te babaire ae aki eti? Kam na kaekaai ngkai b'a e na ongo te UEA ma te uea are E rineia. B'a ngkana arona b'a I a tia ni karaoa teuana mai buakon baikai, ao n na kabooa mwiina.

1.Tamuera 16:13

Ao e atoa te b'a Tamuera i aon atuun Tawita ngke a bon tabe ni mataku tarina nako. Ao n te tai anne, E niniia Tawita Tamnein te UEA ao E moana tikuna i rouna man te tai anne. Ao e oki Tamuera nakon ana auti i Ram'a.

1.Tamuera 2:36

Ma ngkana iai ae tiku mai buakoia ami utu, ao e na roko ni kawara au ibonga ma ni bubutiia te m'ane ke te m'akoro ni kariki teutana. E na kona naba ni kaangai nakon au ibonga, “I butiiko b'a ko na karikai b'a te ibonga temanna, b'a e aonga n reke naba kanau teutana.”

1.Tamuera 25:28

I butiiko b'a ko na kab'araa au bure n te b'ai ae I a tia ni karaoia. E na kaueako te UEA, ma am kariki naba, i bukina b'a ko buaka i bukina; ao ko na aki karaoa te b'ai teuana ae e buakaka i nanon am tai ni maiu.

1.Tamuera 3:1

Ao e m'akuri i bukin te UEA Tamuera ni buoka te ibonga are Eri, are e a mataki n te tai aei.

1.Tamuera 7:9

Ao Tamuera e bubutiia te UEA b'a E na kamaiuia Iteraera, ao i mwiina e anga te karea ae te tiibu te tei nakon te UEA.

1.Tamuera 8:3

Ma a bon aki katotonga tamaia. Bon aomata ngaiia aika buakaka ao a kariaia te kamaraato i bukin te anga taian iango aika aki raoiroi.

1.Tamuera 9:12

Ao e taku neierei, “Eng, e memena ikai. Bon are n te kaawa n te bong aei b'a e na karaoaki te angakarea ma te botaki n am'arake n te tabo n taromauri. Ao bon are i m'aaimi, ma kawaekoaingkami,

1.Tamuera 9:13

ane kam na nooria ngkana kam rin ni mataroan te kaawa. B'a ane i aoni kawaina n otinako nakon te tabo n taromauri b'a e na am'arake ma iruwa ake a kaoaki. A aki kona n am'arake ni karokoa e tia ni kakab'aia te karea. Ngkana kam nako ngkai, ao ane kam na kauia.”